SignIn
Kerala Kaumudi Online
Thursday, 09 December 2021 1.10 AM IST

ജാക്ക് മായുടെ ആലിബാബയ്ക്ക് നഷ്‌ടം $34,400 കോടി

alibaba

ബെയ്‌ജിംഗ്: കഴിഞ്ഞവർഷം ഒക്‌ടോബറിലാണ് ലോകത്തെ ഏറ്റവും വലിയ ഇ-കൊമേഴ്‌സ് കമ്പനികളിലൊന്നായ ആലിബാബയുടെയും ധനകാര്യ സ്ഥാപനമായ ആന്റ് ഗ്രൂപ്പിന്റെയും മേധാവി ജാക്ക് മാ ചൈനീസ് സർക്കാരിന്റെ സാമ്പത്തിക നയങ്ങളെ കടുത്ത ഭാഷയിൽ വിമർശിച്ചത്! അതോടെ തുടങ്ങിയത് പക്ഷേ, ചൈനയിലെയും ഏഷ്യയിലെ തന്നെയും ഏറ്റവും സമ്പന്നനായിരുന്ന ജാക്ക് മായുടെ പതനമാണ്.

2020 ഒക്‌ടോബറിന് ശേഷം ജാക്ക് മായെ ആരും കണ്ടിട്ടില്ല. ഒരിക്കൽ ഒരു ചടങ്ങിൽ പ്രത്യക്ഷപ്പെട്ടെങ്കിലും നേരിട്ടായിരുന്നില്ല, ഓൺലൈൻ വീഡിയോ വഴിയായിരുന്നു. ചൈനീസ് സർക്കാരിനെയും പ്രസിഡന്റ് ഷീ ജിൻപിംഗിനെയും കടുത്ത ഭാഷയിൽ വിമർശിച്ച ജാക്ക് മായുടെ ആന്റ് ഗ്രൂപ്പിന്റെ, ലോക റെക്കാഡ് സമാഹരണം സൃഷ്‌ടിക്കുമായിരുന്ന ആന്റ് ഗ്രൂപ്പ് പ്രാരംഭ ഓഹരി വില്പന (ഐ.പി.ഒ) ചൈനീസ് സർക്കാർ തടഞ്ഞു.

പിന്നീട് കമ്പനിയുടെ ഓഹരിവില തകർന്നടിഞ്ഞു; മായുടെ ആസ്‌തിയും. കഴിഞ്ഞവ‌ർഷം റെക്കാഡ് ഉയരത്തിലായിരുന്ന ആലിബാബ ഓഹരികൾ ഇപ്പോഴുള്ളത് റെക്കാഡ് താഴ്‌ചയിൽ. 2020 ഒക്‌ടോബറിൽ നിന്ന് ഇതുവരെ ഓഹരികളുടെ തകർച്ച 43 ശതമാനം. കമ്പനിയുടെ ആസ്‌തിയിൽ നിന്ന് കൊഴിഞ്ഞുപോയത് 34,400 കോടി ഡോളർ - ഏകദേശം 25.33 ലക്ഷം കോടി രൂപ. ലോകത്ത് ഒരു കമ്പനിയുടെ മൂല്യത്തിൽ ഇതുവരെ ഉണ്ടായിട്ടുള്ളതിൽ വച്ച് ഏറ്റവും വലിയ ഇടിവാണിത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, JACK MA, ALIBABA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.