ന്യൂഡൽഹി: മൂന്ന് വനിതാ കർഷകർ ട്രക്ക് ഇടിച്ച് മരിച്ചു.പഞ്ചാബ് സ്വദേശികളാണ് മരിച്ചത്. ഹരിയാനയിലെ ബഹദൂർഘട്ടിൽ ഇന്ന് രാവിലെ ആറരയോടെയായിരുന്നു അപകടം. കർഷക സമരത്തിൽ പങ്കെടുത്ത് മടങ്ങിയവരാണ് അപകടത്തിൽപ്പെട്ടതെന്നാണ് സൂചന.
സംഭവത്തിൽ പൊലീസ് അന്വേഷണം ആരംഭിച്ചു. രണ്ട് സ്ത്രീകൾ സംഭവ സ്ഥലത്തുവച്ചും, ഒരാൾ ആശുപത്രിയിൽ വച്ചുമാണ് മരിച്ചത്. ട്രക്കിന്റെ ഡ്രൈവർ സംഭവ സ്ഥലത്തുനിന്ന് ഓടിരക്ഷപ്പെട്ടതായി പൊലീസ് അറിയിച്ചു.
ഡൽഹി- ഹരിയാന അതിർത്തിയിൽ കർഷകരുടെ പ്രതിഷേധം നടക്കുന്നതിന് സമീപമായിരുന്നു അപകടം. അമിതവേഗതയിൽ പാഞ്ഞുവന്ന ട്രക്ക്, ഓട്ടോറിക്ഷയ്ക്കായി കാത്തുനിൽക്കുകയായിരുന്ന സ്ത്രീകളെ ഇടിക്കുകയായിരുന്നുവെന്നാണ് റിപ്പോർട്ടുകൾ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |