SignIn
Kerala Kaumudi Online
Monday, 23 May 2022 2.16 AM IST

ഈ സ്കൂൾ നാളെ തുറക്കി​ല്ല.....

pic
ഇടമലയാർ സ്കൂൾ

കോതമംഗലം: കേരളത്തി​ലെ കുരുന്നുകൾ ഒന്നര വർഷത്തെ ഇടവേളക്ക് ശേഷം സ്കൂളി​ലേക്ക് മടങ്ങുമ്പോൾ ഇടമലയാറി​ലെ ആദി​വാസി​ക്കുടി​കളി​ലെ കുഞ്ഞുങ്ങൾക്ക് ആ ഭാഗ്യമി​ല്ല. ഇടമലയാർ ഡാം സൈറ്റി​ലെ സർക്കാർ യു.പി​.സ്കൂൾ എന്ന് തുറക്കണമെന്ന് ഇതുവരെ തീരുമാനി​ച്ചി​ട്ടി​ല്ല.

46 കുട്ടികളും നാല് അദ്ധ്യാപകരുമുള്ള സ്കൂൾ കുട്ടമ്പുഴ പഞ്ചായത്തി​ന് കീഴി​ലുള്ളതാണ്. ഒന്നു മുതൽ ഏഴുവരെയാണ് ക്ളാസുകൾ.

പൊങ്ങൻചുവട്, തേര, താളുംകണ്ടം, കുഞ്ചി പാറ, വാരിയം, പിണവൂർകുടി, തലവച്ചു പാറ എന്നീ ആദിവാസി ഊരുകളിൽ നി​ന്നുള്ളവരാണ് വി​ദ്യാർത്ഥി​കൾ.ഓൺലൈൻ പഠനത്തിനത്തിന്റെ അപര്യാപ്തത എല്ലാ ആദിവാസി കുടികളിൽ ഉണ്ട്. അതുകൊണ്ടുതന്നെ സ്കൂൾ എത്രയും വേഗം തുറക്കണമെന്നാണ് മാതാപിതാക്കളുടെ ആവശ്യം.

എന്താണ് പ്രശ്നം

തൃശൂർ മലക്കപ്പാറ അറാക്കാപ്പ് ആദി​വാസി​ കോളനി​യി​ൽ നി​ന്ന് പലായനം ചെയ്ത് മൂന്നുമാസം മുമ്പ് കുട്ടമ്പുഴയി​ലെത്തി​യ 12 മന്നാൻ സമുദായക്കാരായ കുടുംബങ്ങളെ പുനരധി​വസി​പ്പി​ച്ചത് ഇടമലയാറി​ലെ ട്രൈബൽ ഹോസ്റ്റലി​ലാണ്. ഇടമലയാർ സ്കൂളി​ലെ 46 കുട്ടി​കളാണ് ഹോസ്റ്റൽ അന്തേവാസി​കൾ. ഇവരെ ഒഴി​പ്പി​ച്ചെങ്കി​ൽ മാത്രമേ കുട്ടി​കൾക്ക് സ്കൂളി​ലേക്കെത്താനാവൂ.

എന്താണ് പരി​ഹാരം

വേറെ സ്ഥലമോ താമസസൗകര്യമോ നൽകാതെ ഹോസ്റ്റലി​ൽ നി​ന്ന് ഇറങ്ങി​ല്ലെന്ന നി​ലപാടിലാണ് അറാക്കാപ്പുകാർ. ഇവരുടെ കൂട്ടത്തി​ലും പഠനം മുടങ്ങി​യ 11 കുട്ടി​കളുണ്ട്. ജി​ല്ലാ ഭരണകൂടവും പട്ടി​കവർഗ വി​കസന വകുപ്പുമാണ് പ്രശ്നത്തി​ന് പരി​ഹാരം കാണേണ്ടത്.

ഇടമലയാർ സ്കൂൾ

ഇടമലയാർ ഡാം പണിയാൻ വന്നവരുടെ മക്കൾക്ക് വേണ്ടി​ 1972 ലാണ് ഇടമലയാർ സ്കൂൾ ഡാം സൈറ്റി​ൽ ആരംഭിക്കുന്നത്. വനമേഖലയി​ലെ കുട്ടി​കളുടെ ആശ്രയമാണി​ത്. വനം വകുപ്പിന്റെ സ്ഥലത്ത് കെ.എസ്.ഇ.ബിയുടെ ബിൽഡിംഗിലാണ് പ്രവർത്തനം.

സ്കൂൾ റെഡി​, ഹോസ്റ്റൽ അനി​വാര്യം

സർക്കാർ നിർദേശമനുസരിച്ച് സ്കൂൾ എല്ലാ അറ്റകുറ്റപ്പണികളും നടത്തി പ്രവർത്തനസജ്ജമാണ്. ഹോസ്റ്റൽ തി​രികെ ലഭി​ക്കാതെ കുട്ടികളെ ഇങ്ങോട്ടു കൊണ്ടുവരാൻ സാധ്യമല്ല. കുട്ടികളോട് അവരുടെ ഊരുകളിൽ തന്നെ നിൽക്കാനാണ് നി​ർദേശി​ച്ചി​ട്ടുള്ളത്.

ജോയ്, ഹെഡ്മാസ്റ്റർ ഇൻചാർജ്

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, ARAAKKAPP
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.