SignIn
Kerala Kaumudi Online
Saturday, 21 May 2022 11.08 AM IST

നവനായകൻ രോഹിത്

rohit

രോഹിത് ശർമ്മ ഇന്ത്യൻ ട്വന്റി-20 ക്രിക്കറ്റ് ടീം ക്യാപ്ടൻ

മുംബയ് : ഇന്ത്യൻ ട്വന്റി-20 ക്രിക്കറ്റ് ടീമിന്റെ പുതിയ നായകനായി രോഹിത് ശർമ്മയെ നിയമിച്ചു. കെ.എൽ രാഹുലാണ് ഉപനായകൻ.സ്ഥാനമൊഴിഞ്ഞ നായകൻ വിരാട് കൊഹ്‌ലി, ജസ്പ്രീത് ബുംറ,ഷമി എന്നിവർക്ക് വിശ്രമം നൽകി ഈ മാസം കിവീസിനെതിരെ തുടങ്ങുന്ന ട്വന്റി-20പരമ്പരയ്ക്കുളള ടീമിനെയും പ്രഖ്യാപിച്ചു. പുതിയ പരിശീലകനായ രാഹുൽ ദ്രാവിഡുമായി ചർച്ച നടത്തിയശേഷമാണ് ട്വന്റി-20 ലോകകപ്പിന് പോയ ടീമിൽ മാറ്റം വരുത്തിയത്.

റിതുരാജ് ഗെയ്ക്ക്‌വാദ്, ഹർഷൽ പട്ടേൽ,വെങ്കിടേഷ് അയ്യർ,ആവേഷ് ഖാൻ തുടങ്ങിയവർക്ക് ടീമിൽ സ്ഥാനം ലഭിച്ചപ്പോൾ ലോകകപ്പിൽ നിരാശപ്പെടുത്തിയ വരുൺ ചക്രവർത്തിയെ ഒഴിവാക്കി.ശ്രേയസ് അയ്യർ, യുസ്‌വേന്ദ്ര ചഹൽ,അക്ഷർ പട്ടേൽ,മുഹമ്മദ് സിറാജ് എന്നിവരെ തിരിച്ചുവിളിച്ചു. നാലുവർഷത്തിന്ശേഷം ലോകകപ്പിനായി ട്വന്റി-20 ടീമിലെത്തിയ അശ്വിനെ നിലനിറുത്തി.ഹാർദിക് പാണ്ഡ്യയെ ഒഴിവാക്കി.

ടീം ഇങ്ങനെ : രോഹിത് ശർമ്മ (ക്യാപ്ടൻ),കെ.എൽ രാഹുൽ,റിതുരാജ് ഗെയ്ക്ക്‌വാദ്, ഹർഷൽ പട്ടേൽ,വെങ്കിടേഷ് അയ്യർ,ആവേഷ് ഖാൻ,ശ്രേയസ് അയ്യർ, യുസ്‌വേന്ദ്ര ചഹൽ,അക്ഷർ പട്ടേൽ,മുഹമ്മദ് സിറാജ്,ഭുവനേശ്വർ കുമാർ,ഇഷാൻ കിഷൻ,റിഷഭ് പന്ത്,സൂര്യകുമാർ യാദവ്,ദീപക് ചഹർ,അശ്വിൻ.

സഞ്ജുവിനെ വിളിച്ചില്ല ?

മലയാളി വിക്കറ്റ് കീപ്പർ ബാറ്റ്സ്മാൻ സഞ്ജു സാംസണിനെ ടീമിൽ ഉൾപ്പെടുത്തിയില്ല . ജൂനിയർ തലം മുതൽ ദ്രാവിഡിന്റെ ഗുഡ് ബുക്കിൽ സഞ്ജുവിന് ഇടമുണ്ടായിരുന്നു. കഴിഞ്ഞ ശ്രീലങ്കൻ പര്യടനത്തിൽ ദ്രാവിഡ് മുഖ്യ കോച്ചായപ്പോൾ സഞ്ജുവിന് അവസരം നൽകിയെങ്കിലും അത് പ്രയോജനപ്പെടുത്താൻ കഴിഞ്ഞിരുന്നില്ല. അതിനാലാണ് ഇക്കുറി വിളി എത്താതിരുന്നത് എന്നറിയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, ROHIT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.