ഇടുക്കി: ഇടുക്കി ജലസംഭരണിയിൽ ജലനിരപ്പ് നേരിയ തോതിൽ കുറഞ്ഞപ്പോൾ മുല്ലപ്പെരിയാർ അണക്കെട്ടിൽ വെള്ളം കൂടി. മുല്ലപ്പെരിയാർ ഡാമിൽ ഏറ്റവും ഒടുവിലത്തെ കണക്കുപ്രകാരം 140.55 അടിയാണ് ജലനിരപ്പ്. റൂൾലെവൽ പ്രകാരം 20 വരെ 141 അടിവരെയാണ് ഉയർത്താൻ അനുമതിയുള്ളത്. വൃഷ്ടിപ്രദേശത്ത് ഇന്നലെ 8.8 മില്ലിമീറ്റർ മഴ പെയ്തിരുന്നു. സെക്കൻഡിൽ 2612 ഘനയടി ജലമാണ് ഡാമിലേക്ക് ഒഴുകിയെത്തുന്നത്. സെക്കൻഡിൽ 2300 ഘനയടി വെള്ളം തമിഴ്നാട് കൊണ്ടുപോകുന്നത്. ഇടുക്കി ഡാമിൽ അവസാനം വിവരം ലഭിക്കുമ്പോൾ 2398.08 അടിയാണ് ജലനിരപ്പ്. ജലനിരപ്പ് കുറയുന്ന സാഹചര്യത്തിൽ ഇന്നലെ രാത്രി 9.45ന് ചെറുതോണി ഡാമിന്റെ മൂന്നാം നമ്പർ ഷട്ടർ അടച്ചു. എങ്കിലും അണക്കെട്ടിൽ നിലവിൽ റെഡ് അലേർട്ടാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |