ന്യൂഡൽഹി: കുടുംബ പെൻഷൻ ലഭിക്കാൻ പങ്കാളിക്കൊപ്പമുള്ള ജോയിന്റ് ബാങ്ക് അക്കൗണ്ട് അനിവാര്യമാണെങ്കിലും ഇല്ലാത്തവരോട് പുതിയ അക്കൗണ്ട് തുടങ്ങാൻ നിർബന്ധം പിടിക്കരുതെന്ന് കേന്ദ്രസർക്കാർ പെൻഷൻ വിതരണം ചെയ്യുന്ന ബാങ്കുകൾക്ക് നിർദ്ദേശം നൽകി. പ്രത്യേക സാഹചര്യങ്ങളിൽ ജോയിന്റ് ബാങ്ക് അക്കൗണ്ട് തുറക്കാൻ കഴിയില്ലെന്ന് വ്യക്തമായാൽ ഇളവ് അനുവദിക്കണമെന്ന് നിർദ്ദേശം നൽകിയതായി കേന്ദ്ര പെൻഷൻ വകുപ്പ് മന്ത്രി ജിതേന്ദ്ര സിംഗ് അറിയിച്ചു. അതേസമയം പെൻഷൻ പേമെന്റ് ഒാർഡറിൽ കുടുംബ പെൻഷൻ ആർക്കു ലഭിക്കണമെന്ന് വ്യക്തമാക്കാൻ പങ്കാളിക്കൊപ്പം ജോയിന്റ് ബാങ്ക് അക്കൗണ്ട് തുറക്കേണ്ടത് അനിവാര്യമാണ്.