പാലക്കാട്: പാലക്കാട്ടെ ആര്.എസ്.എസ് പ്രവര്ത്തകന് സഞ്ജിത്തിന്റെ കൊലപാതകത്തിൽ പോപ്പലുർ ഫ്രണ്ട് പ്രവർത്തകൻ അറസ്റ്റിൽ. ഇയാള് നേരിട്ട് കൊലപാതകത്തില് പങ്കെടുത്ത ആളാണെന്ന് പൊലീസ് പറയുന്നു. അതേസമയം, പ്രതിയുടെ കൂടുതല് വിവരങ്ങള് വെളിപ്പെടുത്താനാവില്ലെന്ന് പാലക്കാട് എസ്.പി പ്രതികരിച്ചു.
സഞ്ജിത് കൊല്ലപ്പെട്ട് ഏട്ടു ദിവസമാകുമ്പോഴാണ് കേസിൽ നിർണായക അറസ്റ്റ് ഉണ്ടായിരിക്കുന്നത്.. ഇന്നലെ മുണ്ടക്കയത്തുനിന്ന് മൂന്നുപേരെ അന്വേഷണ സംഘം കസ്റ്റഡിയിലെടുത്തിരുന്നു. ബേക്കറി തൊഴിലാളിയും പാലക്കാട് സ്വദേശിയുമായ സുബൈര്, നെന്മാറ സ്വദേശികളായ സലാം, ഇസ്ഹാക്ക് എന്നിവരെയാണ് പ്രത്യേക അന്വേഷണ സംഘം കസ്റ്റഡിയിലെടുത്തത്. പാലക്കാട് എസ്.പി ആര് വിശ്വനാഥിന്റെ നേതൃത്വത്തിലുള്ള 34 അംഗ സംഘത്തിനാണ് അന്വേഷണ ചുമതല.
നവംബര് 15ന് രാവിലെ ഒമ്പതുമണിയോടെയാണ് ആര്.എസ്.എസ്. തേനാരി മണ്ഡലം ബൗദ്ധിക് ശിക്ഷണ് പ്രമുഖ് എലപ്പുള്ളി സ്വദേശി സഞ്ജിത്തിനെ ഒരുസംഘം ഭാര്യയുടെ മുന്നില് വെട്ടിക്കൊലപ്പെടുത്തിയത്. പതിനഞ്ച് വെട്ടാണ് ശരീരത്തിലുടനീളമുള്ളത്. കൊലപാതകം രാഷ്ട്രീയപ്രേരിതമാണെന്നായിരുന്നു പൊലീസ് വിശദീകരണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |