തിരുവനന്തപുരം: പ്രാഥമിക സഹകരണ സംഘങ്ങൾക്കു മേൽ കടുത്ത നിയന്ത്രണം കൊണ്ടുവന്ന റിസർവ്വ് ബാങ്ക് നടപടിക്കെതിരെ സുപ്രീംകോടതിയെ സമീപിക്കാൻ മന്ത്രിസഭായോഗം തീരുമാനിച്ചു.

ഇക്കാര്യത്തിൽ അഡ്വക്കേറ്റ് ജനറലിന്റെ നിയമോപദേശം തേടുന്നതിനൊപ്പം, മറ്റ് നിയമജ്ഞരുമായും ആശയവിനിമയം നടത്താൻ മന്ത്രിമാരായ വി.എൻ. വാസവനെയും,കെ.എൻ. ബാലഗോപാലിനെയും ചുമതലപ്പെടുത്തി.

കേരളത്തിന്റെ ആശങ്ക കേന്ദ്രത്തെ അറിയിക്കാൻ ആവശ്യമെങ്കിൽ പ്രതിനിധിസംഘത്തെ അയക്കും. റിസർവ്വ് ബാങ്കിനെയും സമീപിക്കും. ബാങ്കെന്ന പേര് പ്രാഥമിക സഹകരണ ബാങ്കുകൾ ഉപയോഗിക്കരുത്, വോട്ടവകാശമില്ലാത്ത അംഗങ്ങളിൽ നിന്ന് നിക്ഷേപം സ്വീകരിക്കരുത് തുടങ്ങിയ നിയന്ത്രണങ്ങളാണ് റിസർവ്വ് ബാങ്ക് പുതുതായി കൊ ണ്ടുവന്നത്.സംസ്ഥാനത്തെ 1625 പ്രാഥമിക സഹകരണ ബാങ്കുകളെയും 15,000ൽപ്പരം സഹകരണ സംഘങ്ങളെയും ഇത് പ്രതികൂലമായി ബാധിക്കുമെന്നാണ് വിലയിരുത്തൽ.