SignIn
Kerala Kaumudi Online
Friday, 29 March 2024 12.59 AM IST

പ്ളസ് വൺ, വൊക്കേഷണൽ ഹയർസെക്കൻഡറി പരീക്ഷാ ഫലം നാളെ, ഫലം 11 മണിയോടെ വെബ്സൈ‌റ്റിൽ

plusone

തിരുവനന്തപുരം: ഹയർസെക്കൻഡറി ഒന്നാം വർഷ, വൊക്കേഷണൽ ഹയർസെക്കൻഡറി ഫലങ്ങൾ നാളെ പ്രഖ്യാപിക്കും. രാവിലെ 11 മണിയോടെ ഹയർസെക്കൻഡറി വെബ്‌സൈ‌റ്റിൽ ഫലങ്ങൾ ലഭ്യമാകുമെന്നാണ് സൂചന. സെപ്‌തംബർ 24 മുതൽ ഒക്‌ടോബർ 18 വരെയായിരുന്നു ഒന്നാംവർഷ ഹയർസെക്കൻഡറി പരീക്ഷ നടന്നത്. വൊക്കേഷണൽ ഹയർസെക്കൻഡറി പരീക്ഷകൾ ഒക്‌ടോബർ 13 വരെയാണ് നടന്നത്.

ഇതിനിടെ സംസ്ഥാനത്ത് പാഠഭാഗങ്ങൾ തീർക്കാൻ വേണ്ടത്ര സമയം ലഭിക്കുന്നില്ലെന്ന് അദ്ധ്യാപകർ പരാതിപ്പെട്ടതിനെ തുടർ‌ന്ന് സ്‌കൂൾ സമയം നീട്ടാൻ തീരുമാനമായിട്ടുണ്ട്. വിദ്യാഭ്യാസ മന്ത്രി വി ശിവൻകുട്ടിയുടെ അദ്ധ്യക്ഷതയിൽ ചേർന്ന യോഗമാണ് സ്‌കൂൾ സമയം പഴയതു പോലെയാക്കാൻ ധാരണയായത്.ഇതിന്മേലുള്ള അന്തിമ തീരുമാനം മുഖ്യമന്ത്രിയായിരിക്കും കൈക്കൊള്ളുക.

90 ശതമാനത്തിലധികം കുട്ടികളും സ്‌കൂളിലേക്ക് മടങ്ങിയെത്താൻ തുടങ്ങിയെന്നും കൊവിഡിനെ സംബന്ധിച്ച രക്ഷിതാക്കളുടെ ആശങ്കകൾ കുറഞ്ഞു വരികയാണെന്നും യോഗത്തിൽ അഭിപ്രായമുയർന്നു. സ്‌കൂൾ പ്രവൃത്തി സമയം വൈകുന്നേരം വരെ ആക്കുന്നതോടെ ഓൺലൈൻ ക്‌ളാസുകളും നിർത്താൻ സർക്കാർ പദ്ധതിയിടുന്നുണ്ട്. ഓരോ ക്‌ളാസിലേയും കുട്ടികളെ രണ്ട് ബാച്ചുകളായി തിരിച്ച് ആഴ്ചയിൽ മൂന്ന് ദിവസം വീതമായിരിക്കും ക്‌ളാസുകൾ. സ്‌കൂൾ തുറന്നതിന് ശേഷം കുട്ടികളിലെ കൊവിഡ് കേസുകളുടെ എണ്ണം കുറഞ്ഞെന്നാണ് വിദ്യാഭ്യാസ വകുപ്പിന്റെ കണക്കുകൾ സൂചിപ്പിക്കുന്നത്. ഈ കണക്കുകളും തീരുമാനം എടുക്കുന്നതിൽ നിർണായകമായി.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: PLUSONE, RESULT, TOMORROW
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.