രാജ്യത്തെ നഗരങ്ങളിലെ സുസ്ഥിരവികസന സൂചികയിൽ കൊച്ചി നഗരത്തിന് അഞ്ചാം സ്ഥാനം.

 100 ൽ 72.29 ആണ് കൊച്ചിയുടെ സ്കോർ.

 കേന്ദ്രസർക്കാരിന്റെ നീതി ആയോഗാണ് പട്ടിക തയ്യാറാക്കിയത്.

 സാമൂഹികവും സാമ്പത്തികവും പാരിസ്ഥിതികവുമായ മാനദണ്ഡങ്ങളാണ് വി​ലയി​രുത്തൽ.

 2030ൽ നഗരങ്ങൾ കൈവരിക്കേണ്ട ദാരിദ്ര്യനിർമ്മാർജ്ജനം,പൊതു ആരോഗ്യ സംവിധാനം, ശുദ്ധജല ലഭ്യത, ക്രമസമാധാനം തുടങ്ങി 46 മാനദണ്ഡങ്ങളാണ് വിലയിരുത്തിയത്.

 പത്ത് പട്ടണങ്ങൾ (ഒന്നുമുതൽ സ്ഥാനം)

1. സിംല

2. കോയമ്പത്തൂർ

3. ചണ്ഡി​ഗഡ്, തി​രുവനന്തപുരം

5. കൊച്ചി​

6. പാനാജി​

7. പൂനെ

8. തിരുച്ചിറപ്പള്ളി

9. അഹമ്മദാബാദ്,നാഗ്‌പൂർ

കൊച്ചിക്ക് അംഗീകാരം: മേയർ

കൊച്ചി: കേന്ദ്ര സർക്കാരിന്റെ സുസ്ഥിര നഗര വികസന സൂചികയിൽ കൊച്ചി അഞ്ചാം സ്ഥാനം നേടിയത് ഭരണസമിതിക്ക് ലഭിച്ച അംഗീകാരമാണെന്ന് മേയർ എം.അനിൽകുമാർ പറഞ്ഞു. സാമ്പത്തിക , പരിസ്ഥിതി , സാമൂഹ്യ, ദാരിദ്ര്യ ലഘൂകരണം, വിദ്യാഭ്യാസം, ആരോഗ്യം, സ്ത്രീ ശാക്തീകരണം, ശുചിത്വം, ജലലഭ്യത, ഹരിതോർജം, വ്യവസായം തുടങ്ങി വിവിധ മേഖലകളിലെ പ്രവർത്തനങ്ങളെ അടിസ്ഥാനമാക്കിയാണ് നഗരങ്ങൾക്ക് മാർക്ക് നിർണയിച്ചത്. ജനങ്ങളുടെ ജീവിത നിലവാരം മെച്ചപ്പെടുത്തി പട്ടികയിൽ ഒന്നാം സ്ഥാനത്തെത്താനുള്ള പരിശ്രമം തുടരുമെന്ന് മേയർ പറഞ്ഞു.