ബെര്ലിന്: ദക്ഷിണാഫ്രിക്കയിൽ കണ്ടെത്തിയ കൊവിഡിന്റെ പുതിയ വകഭേദമായ ഒമിക്രോണ് ജര്മനിയിലും സ്ഥിരീകരിച്ചു. ബെൽജിയത്തിന് പിന്നാലെ ഒമിക്രോൺ വകഭേദം സ്ഥിരീകരിക്കുന്ന രണ്ടാമത്തെ യൂറോപ്യൻ രാജ്യമാണ് ജർമ്മനി. ദക്ഷിണാഫ്രിക്കയില് നിന്നെത്തിയ യാത്രക്കാരനിലാണ് വൈറസ് സ്ഥിരീകരിച്ചതെന്ന് ഹെസ്സെയുടെ സാമൂഹ്യകാര്യ വകുപ്പ് മന്ത്രി കയ് ക്ലോസെ അറിയിച്ചു. രോഗം സ്ഥിരീകരിച്ചയാൾ നിലവിൽ ഐസൊലേഷനിലാണെന്നും കൂടുതല് പരിശോധനകള്ക്ക് വിധേയമാക്കുമെന്നും അറിയിപ്പിൽ പറയുന്നു.
ഒമിക്രോണ് വകഭേദം യൂറോപ്പിലുമെത്തിയതോടെ ഏഷ്യന് രാജ്യങ്ങള്ക്ക് ലോകാരോഗ്യ സംഘടന മുന്നറിയിപ്പ് നല്കി. നിരീക്ഷണവും ജാഗ്രതയും മുന്കരുതലും ശക്തമാക്കണമെന്നാണ് ലോകാരോഗ്യ സംഘടനയുടെ മുന്നറിയിപ്പ്. അതേസമയം ഒമിക്രോണിനെ നേരിടാന് വാക്സിന് വേഗത്തിൽ വികസിപ്പിക്കാന് കഴിയുമെന്ന് ബയോ ഫാര്മസ്യൂട്ടിക്കല് കമ്പനിയായ ആസ്ട്രാസെനക്ക വ്യക്തമാക്കി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |