SignIn
Kerala Kaumudi Online
Tuesday, 24 May 2022 3.21 PM IST

കുതിരാൻ രണ്ടാം തുരങ്കം ജനുവരിയിൽ : മന്ത്രി രാജൻ

kuthiran-2

തൃശൂർ : അടുത്ത വർഷം ആദ്യത്തോടെ കുതിരാനിലെ രണ്ടാം തുരങ്കവും തുറക്കാനാകുമെന്ന് റവന്യൂ മന്ത്രി കെ. രാജൻ. കുതിരാൻ രണ്ടാം തുരങ്കം നിർമ്മാണ പുരോഗതിയും വഴുക്കുംപാറ മുതൽ കുതിരാൻ വരെയുള്ള ഭാഗങ്ങളിലെ ഗതാഗത കുരുക്കും പരിശോധിക്കാനായെത്തിയതായിരുന്നു മന്ത്രി. കഴിഞ്ഞ മൂന്ന് ദിവസമായി നടപ്പാക്കിയ ഗതാഗത നിയന്ത്രണങ്ങളിൽ ആവശ്യമായ മാറ്റം വരുത്തി ഗതാഗതക്കുരുക്ക് ഒഴിവാക്കാനുള്ള നടപടി സ്വീകരിക്കുമെന്ന് മന്ത്രി പറഞ്ഞു. കളക്ടർ ഹരിത വി. കുമാർ, തൃശൂർ സിറ്റി പൊലീസ് കമ്മിഷണർ ആർ. ആദിത്യ എന്നിവർക്കൊപ്പമായിരുന്നു മന്ത്രിയുടെ സന്ദർശനം.

ഒന്നാം തുരങ്കത്തിലൂടെ ഇരുഭാഗത്തേക്കുമുള്ള വാഹനം കടത്തിവിടാൻ തുടങ്ങിയതോടെയാണ് പ്രദേശത്ത് പലപ്പോഴും ഗതാഗതക്കുരുക്ക് രൂപപ്പെട്ടത്. പുതിയ ക്രമീകരണങ്ങളിൽ ആവശ്യമായ മാറ്റം വരുത്തും. വഴുക്കുംപാറ സെന്ററിൽ കൂട്ടിയിട്ടിരിക്കുന്ന മണ്ണ് നീക്കി റോഡിന്റെ വളവ് കുറയ്ക്കാനും സർവീസ് റോഡ് കയറ്റം കുറച്ച് നിർമ്മിക്കാനും നിർദ്ദേശമുയർന്നിരുന്നു. വൈകീട്ട് നാല് മുതൽ രാത്രി എട്ട് വരെ തിരക്കേറിയ സമയത്ത് തൃശൂർ, പാലക്കാട് ഹൈവേയിൽ ചരക്കുവാഹനങ്ങൾ ഗതാഗതം പിടിച്ചിടുന്നതിനെ കുറിച്ചും ആലോചനയുണ്ട്. എറണാകുളം, പാലക്കാട് ജില്ലാ കളക്ടർമാർ, ഉന്നത പൊലീസ് ഉദ്യോഗസ്ഥർ എന്നിവരുമായി ഇക്കാര്യം ആലോചിക്കാൻ കളക്ടർ ഹരിത. വി .കുമാറിനെ ചുമതലപ്പെടുത്തിയതായി മന്ത്രി കെ. രാജൻ അറിയിച്ചു.

രണ്ടാം തുരങ്കത്തിലേക്കുള്ള റോഡിന്റെ നിർമ്മാണത്തിനായി നിലവിൽ പാലക്കാട് ഭാഗത്തേക്കുള്ള വാഹനം പോകുന്ന പാത പൊളിച്ചു നീക്കേണ്ടതുകൊണ്ടാണ് ഒരു തുരങ്കത്തിലൂടെ തന്നെ ഇരു ഭാഗത്തേയ്ക്കുമുള്ള വാഹനം കടത്തിവിടുന്നത്. പീച്ചി സി.ഐ എസ്. ഷുക്കൂർ, ദേശീയപാത അതോറിറ്റി ഉദ്യോഗസ്ഥർ, കരാർ കമ്പനി അധികൃതർ എന്നിവരും സ്ഥലത്തുണ്ടായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THRISSUR, KUTHIRAN
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.