SignIn
Kerala Kaumudi Online
Friday, 27 May 2022 8.14 PM IST

നേട്ടത്തിന്റെ നെറുകയിൽ വീണ്ടും സാന്ദ്ര

df

കൊച്ചി: നേട്ടങ്ങൾ കൊയ്യുന്നത് ശീലമാക്കുകയാണ് കണ്ണൂർ സ്വദേശി സാന്ദ്രാ ബാബുവെന്ന ലോംഗ് ജംപ് താരം. എറണാകുളം ജില്ലാ അത്‌ലറ്റിക് മീറ്റിൽ സാന്ദ്ര കാഴ്ചവച്ചത് മിന്നും പ്രകടനം. 5.96 മീറ്റർ ദൂരം ചാടിയാണ് സാന്ദ്ര ഒന്നാമതെത്തിയത്. ഒപ്പം മത്സരിച്ചവരെ ബഹുദൂരം പിന്നിലാക്കിയ സാന്ദ്ര ഒട്ടേറെ നേട്ടങ്ങൾക്ക് ഉടമയാണ്.

അശ്വ സ്‌പോർട്‌സ് ക്ലബ്ബ് കോതമംഗലത്തിന്റെ താരമായി 23വയസിൽ താഴെയുള്ളവരുടെ ഇനത്തിൽ ഇറങ്ങിയ സാന്ദ്രയ്ക്ക് അൽപമെങ്കിലും വെല്ലുവിളി ഉയർത്താനായത് രണ്ടാം സ്ഥാനം നേടിയ മാർ അത്തനേഷ്യസിലെ മൃദുലയ്ക്ക് മാത്രം. മൃദുല ചാടിയത് 5.14 മീറ്റർ.

എട്ടാംക്ലാസ് മുതൽ മത്സരങ്ങളിൽ പങ്കെടുക്കുന്ന സാന്ദ്ര ഒക്ടോബറിൽ നടന്ന അണ്ടർ23 ദേശീയ ചാംപ്യൻഷിപ്പിൽ ട്രിപ്പിൾ ജംപിൽ സ്വർണവും ലോംഗ് ജംപിൽ വെള്ളിയും കരസ്ഥമാക്കിയിട്ടുണ്ട്. 2019ൽ നേപ്പാളിൽ നടന്ന സൗത്ത് ഏഷ്യൻ ഗെയിംസിൽ കരസ്ഥമാക്കിയ വെങ്കലം നേട്ടങ്ങളുടെ പട്ടികയിലെ വിലമതിക്കാനാകാത്തതാണെന്നും ദ്രോണാചാര്യ ജേതാവ് ടി.പി. ഒൗസേഫിന്റെ ശിക്ഷണമാണ് തന്റെ മികവിന് വഴികാട്ടിയായതെന്നും സാന്ദ്ര പറയുന്നു.

ഇരിങ്ങാലക്കുട ക്രൈസ്റ്റ് കോളജിൽ ഡിഗ്രി സെക്കൻഡ് ഇയർ വിദ്യാർത്ഥിയാണ് സാന്ദ്ര. കർഷകനായ അച്ഛൻ ബാബുവിന്റെയും വീട്ടമ്മയായ അമ്മ മിത്രയുടെയും പൂർണ പിന്തുണയും സാന്ദ്രയുടെ നേട്ടങ്ങൾക്ക് പിന്നിലെ കരുത്തായുണ്ട്. സഹോദരി ശ്രുതി.

ഈ വിജയം കോച്ച് ഔസേഫ് സാറിനുള്ളതാണ്. അദ്ദേഹത്തിന്റെ ശിക്ഷണമാണ് എന്നെ ഇവിടെ വരെ എത്തിച്ചത്.
സാന്ദ്ര

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, SANDRA
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.