തിരുവനന്തപുരം: പുതിയ വിസ്‌മയക്കാഴ്‌ചകളൊരുക്കി മാജിക് പ്ലാനറ്റും ഭിന്നശേഷിക്കുട്ടികളുടെ ഡിഫറന്റ് ആർട്ട് സെന്ററും സന്ദർശകർക്കായി ഡിസംബർ 1 മുതൽ തുറക്കും.ഭിന്നശേഷിക്കാരായ കുട്ടികളുടെ കഴിവുകൾ മാറ്റുരയ്‌ക്കുന്ന തകർപ്പൻ പ്രകടനങ്ങൾ,ഇല്യൂഷൻ ജാലവിദ്യകൾ,സർക്കസ് പ്രകടനങ്ങൾ,തെരുവ് ജാലവിദ്യകൾ,കോമഡി മാജിക് തുടങ്ങി നിരവധി വിസ്‌മയങ്ങളാണ് സന്ദർശകർക്കായി ഒരുക്കുന്നത്.കൊവിഡ് വ്യാപനത്തിന്റെ പശ്ചാത്തലത്തിൽ ഓരോ ദിവസവും പരിമിതമായ സന്ദർശകർക്ക് മാത്രമാണ് പ്രവേശനം. സന്ദർശന സമയം വൈകിട്ട് 4 മുതൽ രാത്രി 9 വരെ.സന്ദർശിക്കാൻ ആഗ്രഹിക്കുന്നവർ മുൻകൂട്ടി രജിസ്റ്റർ ചെയ്യണം. വിശദാംശങ്ങൾക്ക് ഫോൺ: 9446540395