SignIn
Kerala Kaumudi Online
Saturday, 21 May 2022 9.27 AM IST

ഒമിക്രോണോ,​ ഒമൈക്രോണോ : ഉച്ചാരണത്തിലും വകഭേദം

om

കൊറോണ വൈറസിന്റെ പുതിയ വകഭേദത്തിന് ഗ്രീക്ക് ഭാഷയിലെ പതിനഞ്ചാമത്തെ അക്ഷരം പേരായപ്പോൾ ഉച്ചാരണത്തെ ചൊല്ലി രണ്ടു പക്ഷം. ഒമൈക്രോൺ എന്നും ഒമിക്രോൺ എന്നുമാണ് ഉച്ചാരണം കേൾക്കുന്നത്. വിക്കിപീഡിയയിൽ ഇന്റർനാഷണൽ ഫൊണറ്റിക് ആൽഫബെറ്റ് (IPA) പ്രകാരം നൽകിയിട്ടുള്ള ഉച്ചാരണം ഒമൈക്രോൻ ​എന്നാണ്. അക്ഷരങ്ങളുടെ ലിഖിത രൂപത്തിന്റെ ഉച്ചാരണ സൂചകങ്ങളാണ് ഐ.പി.എ.

ഇന്റർനാഷണൽ ഫൊണറ്റിക് അസോസിയേഷൻ ആവിഷ്കരിച്ച ഈ രീതിയാണ് ലോകത്താകെ പൊതുവേ സ്വീകാര്യമായിട്ടുള്ളതെങ്കിലും ഓരോ രാജ്യത്തെയും ഭാഷാഭേദങ്ങൾ ഉച്ചാരണത്തിലും പ്രതിഫലിക്കും. ഇന്ത്യ ബ്രിട്ടീഷ് ഇംഗ്ലീഷാണ് സ്വീകരിച്ചിട്ടുള്ളത്. ബ്രിട്ടീഷ് ഇംഗ്ലീഷിൽ ഒമൈക്രോൺ (oh·mai·krawn) എന്നാണ് ഉച്ചാരണം.

അമേരിക്കൻ ഇംഗ്ലീഷിൽ ഒമെക്രോൺ എന്നാണ് ഉച്ചരിക്കുന്നത്. https://dictionary.cambridge.org/pronunciation/english/omicron എന്ന ലിങ്കിൽ ഈ രണ്ട് ഉച്ചാരണങ്ങളും കേൾക്കാം. https://www.dictionary.com/browse/omicron എന്ന ലിങ്കിൽ ഒമിക്രോൺ (om-i-kron ] എന്നും കേൾക്കാം.

ഗ്രീക്കിൽ 'Ο'എന്നാണ് ഈ ലിപി. Omikron എന്ന് എഴുതി OH-mee-kron (ഓമീക്രോൺ) എന്ന് ഉച്ചരിക്കും. ഇന്ത്യയിൽ ബ്രിട്ടീഷ് ഇംഗ്ളീഷാണ് സ്വീകാര്യമെങ്കിലും ആഗോളതലത്തിൽ മാദ്ധ്യമങ്ങൾ സ്വീകരിച്ചിരിക്കുന്ന രൂപമാണ് ഒമിക്രോൺ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GENARAL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.