അമ്പലപ്പുഴ: തോട്ടപ്പള്ളി കരിമണൽ സമരസമിതി നേതാക്കളെ അന്യായമായി മർദ്ദിച്ചതിൽ അമ്പലപ്പുഴ പൊലീസിന് കംപ്ളെയിന്റ് അതോറിറ്റിയുടെ നോട്ടീസ്. എസ്.ഐ ടോൾസൺ ജോസഫ്, സി.പി.ഒമാരായ റോബിൻ, സുനിൽ, അനൂപ്, ശരവണൻ എന്നിവർക്ക് നോട്ടീസ് അയച്ചു. പരാതിക്കാരനായ സമരസമിതി ചെയർമാൻ സുരേഷും ഹാജരാകാൻ നിർദ്ദേശിച്ചിട്ടുണ്ട്. ഡിസംബർ 2ന് മെമ്പർമാരായ ജില്ലാ കളക്ടർ, പൊലീസ് ചീഫ് എന്നിവരുടെ സാന്നിദ്ധ്യത്തിലാണ് മൊഴി രേഖപ്പെടുത്തുന്നത്. സമരസമിതിയുടെ പ്രതിഷേധത്തിനിടയിൽ നേതാക്കളെ അകാരണമായി പൊലീസ് മർദ്ദിച്ചെന്നാണ് പരാതി.