കോട്ടയം: കുറുവ സംഘത്തെപ്പറ്റി ഭീതി പരത്തുന്ന വാർത്തകൾ പ്രചരിപ്പിച്ചാൽ നടപടിയെടുക്കുമെന്ന് ജില്ലാ പൊലീസ് മേധാവി ഡി ശിൽപ. ജനങ്ങൾ ഭയപ്പെടേണ്ട സാഹചര്യം ഇല്ല. ഡിവൈ. എസ് . പിമാരുടെയും എസ്. പിയുടെയും നേതൃത്വത്തിൽ പട്രോളിംഗ് ആരംഭിച്ചിട്ടുണ്ട്. 5 വർഷം മുൻപ് അയർക്കുന്നത്ത് സമാന രീതിയിൽ മോഷണം നടന്നിരുന്നു. ആ മോഷണ രീതി വെച്ച് അതിരമ്പുഴയിൽ നടന്ന മോഷണം കുറുവാസംഘം നടത്തിയതാണെന്നത് ഊഹം മാത്രമാണ് . മുൻപ് മോഷണം നടത്തിയിരുന്ന കുറുവാ സംഘം ജയിലാണ്. സി.സി.ടി.വിയിലുള്ളവരെ തിരിച്ചറിയാൻ സാധിച്ചിട്ടില്ല. കുറ്റവാളികളുടെ ചിത്രങ്ങളുമായി താരതമ്യം ചെയ്തു വരികയാണ്.