ചാത്തന്നൂർ: വ്യാപാരി വ്യവസായി സമിതി ഇന്നലെ നടത്തിയ കളക്ടറേറ്റ് മാർച്ചിന് പിന്തുണയർപ്പിച്ച് വ്യാപാരികൾ ചാത്തന്നൂരിൽ പ്രകടനം നടത്തി. ഹോട്ടലുകളും പെട്ടിക്കടകളും വരെ അടഞ്ഞു കിടന്നു. വാടകക്കെട്ടിടങ്ങളിൽ നിന്നും എൻ.എച്ച് വികസനത്തിനായി ഒഴിപ്പിക്കപ്പെടുന്ന വ്യാപാരികൾക്ക് നഷ്ടപരിഹാരം നൽകുക, പുനരധിവാസം ഉറപ്പാക്കുക, പ്രാകൃതമായ എലിവേറ്റഡ് ഹൈവേ പാലങ്ങൾ ഒഴിവാക്കി ശാസ്ത്രീയമായ പ്ലാനും എസ്റ്റിമേറ്റും തയ്യാറാക്കുക, കെട്ടിടനിർമ്മാണച്ചട്ടങ്ങളിൽ ഇളവു വരുത്തുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. ഡിസംബർ 5ന് ചാത്തന്നൂർ ആർ.സി ബാങ്കിൽ ചേരുന്ന കൺവെൻഷനിൽ എല്ലാവ്യപാരികളും പങ്കെടുക്കണമെന്ന് സമിതി ഏരിയാസെക്രട്ടറി ജി.പി. രാജേഷ്, ടൗൺ വികസനസമിതി സെക്രട്ടറി കെ.കെ. നിസാർ എന്നിവർ അറിയിച്ചു.