ഉദ്ധാരണക്കുറവുള്ള പുരുഷന്മാർക്ക് വയാഗ്ര ഏറെ ഫലപ്രദമാണ്, എന്നാൽ വയാഗ്രയ്ക്ക് അൽഷിമേഴ്സ് സാദ്ധ്യത കുറയ്ക്കാൻ കൂടി കഴിയുമെന്ന് പഠനം. 'അത്ഭുത ഗുളിക' എന്ന് പലപ്പോഴും പരാമർശിക്കപ്പെടുന്ന വയാഗ്രയ്ക്ക് മറവി രോഗമായ അൽഷിമേഴ്സ് വരാനുള്ള സാദ്ധ്യത കുറയ്ക്കാനാവുമെന്ന് നേച്ചർ ഏജിംഗ് എന്ന ജേണലിൽ പ്രസിദ്ധീകരിച്ച റിപ്പോർട്ട് ചൂണ്ടിക്കാട്ടുന്നത്. വയാഗ്രയിലുള്ള സിൽഡെനാഫിൽ എന്ന വസ്തുവാണ് അൽഷിമേഴ്സ് വരുന്നതിനുള്ള സാദ്ധ്യത 69 ശതമാനം വരെ കുറയ്ക്കുന്നതായി കണ്ടെത്തിയത്. ക്ലീവ്ലാൻഡ് ക്ലിനിക്കിൽ നിന്നുള്ള ഒരു സംഘമാണ് ഈ കണ്ടെത്തലിന് പിന്നിൽ. ലക്ഷക്കണക്കിന് രോഗികളുടെ ഡാറ്റാബേസ് വിശകലനം ചെയ്താണ് വയാഗ്ര കഴിച്ചാൽ അൽഷിമേഴ്സ് പിടികൂടുന്നതിനുള്ള സാദ്ധ്യത കുറവായിരിക്കുമെന്ന നിഗമനത്തിലേക്ക് വിദഗ്ദ്ധർ എത്തിയത്.

പഠനത്തിൽ സിൽഡെനാഫിൽ ഉപയോഗിക്കുന്നവർക്ക് അൽഷിമേഴ്സ് രോഗം വരാനുള്ള സാദ്ധ്യത 69 ശതമാനം കുറവാണെന്ന് കണ്ടെത്തി. കൊറോണറി ആർട്ടറി രോഗം, രക്തസമ്മർദ്ദം, ടൈപ്പ്2 പ്രമേഹം എന്നിവയുള്ള വ്യക്തികളിൽ സിൽഡെനാഫിൽ ഉപയോഗിക്കുന്നത് അൽഷിമേഴ്സിന്റെ സാദ്ധ്യത കുറച്ചതായി കണ്ടെത്തുകയും ചെയ്തു.