കൊച്ചി: മേയർ എം. അനിൽകുമാർ യു.എൻ ഫെലോഷിപ്പിന് അർഹനായി. ഏഷ്യയിലെയും പസഫിക് മേഖലയിലെയും തിരഞ്ഞെടുക്കപ്പെട്ട മേയർമാർക്കും ഗവർണർമാർക്കുമാണ് ഫെലോഷിപ്പ് നൽകാറുള്ളത്. യു.എൻ. ഇക്കണോമിക് ആൻഡ് സോഷ്യൽ കമ്മിഷൻ ഫോർ ഏഷ്യ ആൻഡ് ദി പസഫിക്, യു.എൻ.ഹാബിറ്റാറ്റ്, യു.എൻ. യൂണിവേഴ്‌സിറ്റി ഇൻസ്റ്റിറ്റ്യൂട്ട് ഫോർ ദി അഡ്വാൻസ്ഡ് സ്റ്റഡി ഒഫ് സസ്റ്റൈനബിലിറ്റി, ദി അസോസിയേഷൻ ഒഫ് പസഫിക് റിം യൂണിവേഴ്‌സിറ്റീസ്, യുണൈറ്റഡ് സിറ്റീസ് ആൻഡ് ലോക്കൽ ഗവൺമെന്റ്‌സ് ഏഷ്യാപസഫിക് , ഇൻസ്റ്റിറ്റ്യൂട്ട് ഫോർ ഗ്ലോബൽ എൻവയോൺമെന്റ് സ്ട്രാറ്റജീസ് എന്നിവർ സംയുക്തമായി നൽകി വരുന്ന അന്തർദേശീയ ഫെലോഷിപ്പിനാണ് മേയറെ തിരഞ്ഞെടുത്തിരിക്കുന്നത്.