Kerala Kaumudi Online
Wednesday, 22 May 2019 10.05 AM IST

സുഹൃത്തിനൊപ്പം കൊല്ലം ബീച്ചിലെത്തിയ കോളേജ് വിദ്യാർത്ഥിനിയെ തിരയിൽപ്പെട്ട്  കാണാതായി

kollam-beach

കൊല്ലം: സുഹൃത്തിനൊപ്പം കൊല്ലം ബീച്ചിലെത്തിയ ഡിഗ്രി വിദ്യാർത്ഥിനിയെ തിരയിൽപ്പെട്ട് കാണാതായി. കൊട്ടാരക്കര സെന്റ് ഗ്രിഗോറിയോസ് കോളേജിലെ ഒന്നാം വർഷ ഫിസിക്സ് വിദ്യാർത്ഥിനി കുണ്ടറ പുലിയില കല്ലുവെട്ടാംകുഴി വിനോദ് ഭവനിൽ പരേതനായ വിനോദിന്റെയും രാധാമണിയുടെയും മകൾ രാധികയെയാണ് (19)കാണാതായത്. രാധികയെ രക്ഷിക്കാൻ ശ്രമിച്ച സുഹൃത്ത് പുനലൂർ വാളക്കോട് സ്വദേശി ബിബിൻ തിരയിൽപ്പെട്ടെങ്കിലും ലൈഫ് ഗാർഡുകൾ സാഹസികമായി രക്ഷപ്പെടുത്തി.

ഇന്നലെ ഉച്ചയ്ക്ക് രണ്ടരയ്ക്ക് ബീച്ചിൽ കാൽ നനയ്ക്കുന്നതിനിടെയാണ് രാധിക തിരയിൽ അകപ്പെട്ടത്. ബിബിനെ ജില്ലാ ആശുപത്രിയിൽ പ്രവേശിപ്പിച്ച് ചികിത്സ നൽകി. പെൺകുട്ടിയ്ക്കായി തീരക്കടലിൽ കോസ്റ്റ്ഗാർഡും മത്സ്യതൊഴിലാളികളും രാത്രി വൈകിയും തെരച്ചിൽ നടത്തുകയാണ്. കഴിഞ്ഞ മാസം 24ന് ബീച്ചിൽ കാൽ നനയ്ക്കുന്നതിനിടെ കൊട്ടിയം സ്വദേശികളായ യുവ ദമ്പതികൾ തിരയിൽ അകപ്പെട്ട് മരിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KOLLAM BEACH, KOLLAM, GOLLEGE GIRL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA