റിയാബിനെ പുനഃക്രമീകരിക്കുമെന്നും മന്ത്രി രാജീവ്

തിരുവനന്തപുരം : ആധുനികവത്കരണം ലക്ഷ്യമിട്ട് നടപ്പാക്കുന്ന മാസ്റ്റർപ്ലാനിന്റെ ഭാഗമായി പൊതുമേഖലാ സ്ഥാപനങ്ങൾക്ക് സ്വയംഭരണാധികാരം നൽകുമെന്ന് മന്ത്രി പി. രാജീവ് പറഞ്ഞു. എല്ലാ കാര്യത്തിനും സെക്രട്ടേറിയറ്റ് കയറിയിറങ്ങുന്ന സാഹചര്യവും കാലതാമസവും ഒഴിവാക്കുകയാണ് ലക്ഷ്യം.

ഏതെല്ലാം സ്ഥാപനങ്ങൾക്ക് എന്തെല്ലാം അധികാരം നൽകണമെന്ന് പഠിച്ച് ശുപാർശ സമർപ്പിക്കുന്നതിന് മുൻ ചീഫ് സെക്രട്ടറി പോൾ ആന്റണിയുടെ നേതൃത്വതിൽ മൂന്നംഗസമിതിയെ നിയോഗിച്ചതായി മന്ത്രി വാർത്താസമ്മേളനത്തിൽ പറഞ്ഞു. പ്രസാദ് പണിക്കർ, ഹരികുമാർ എന്നിവരാണ് അംഗങ്ങൾ. മൂന്ന് മാസത്തിനുള്ളിൽ റിപ്പോർട്ട് സമർപ്പിക്കും. ആറ് മാസത്തിനുള്ളിൽ നടപടികൾ പൂർത്തിയാകും. പൊതുമേഖല സ്ഥാപനങ്ങൾക്ക് ഗ്രേഡിഗും നൽകും. മികച്ച പൊതുമേഖലാ സ്ഥാനങ്ങൾക്കും മികച്ച എം.ഡി, തൊഴിലാളി എന്നിവർക്കും മാദ്ധ്യമ റിപ്പോർട്ടിംഗിനും അവാർഡുണ്ട്.

41 പൊതുമേഖലാ സ്ഥാപനങ്ങളിലായി 405 പദ്ധതികളാണ് തയ്യാറാക്കിയിരിക്കുന്നത്. റിയാബിനാണ് മേൽനോട്ടച്ചുമതല. റിയാബിൽ പ്രോജക്ട് മാനേജ്‌മെന്റ് സംവിധാനം കൊണ്ടുവരും. സാങ്കേതിക,ഭരണ,ധനകാര്യ,ആസൂത്രണ വിദദ്ധർ അടങ്ങിയ ടീമുകൾ ഉണ്ടാവും. കെ.എം.എം.എല്ലിന്റെ മുൻ എം.ഡി കൂടിയായ റോയ് കുര്യനാണ് പദ്ധതിയുടെ ഏകോപനച്ചുമതല.

ആറ് മാസത്തിനുള്ളിൽ ഡി.പി.ആർ തയ്യാറാക്കി ഹ്രസ്വകാല പദ്ധതികളുടെ പ്രവർത്തനം ആരംഭിക്കും. 175 ഹ്രസ്വകാല പദ്ധതികളും 131 ഇടക്കാല പദ്ധതികളുമുണ്ട്. 99 എണ്ണം ദീർഘകാല പദ്ധതികളാണ്. ഏഴു വിഭാഗങ്ങളായി തിരിച്ചാണ് നടപ്പാക്കുക.

പൊതുമേഖലാ സ്ഥാപനങ്ങളുടെ ഒഴിഞ്ഞു കിടക്കുന്ന ഭൂമിയിൽ കിൻഫ്രയുമായി ചേർന്ന് വ്യവസായ പാർക്കുകൾ വികസിപ്പിക്കുന്നതും പരിഗണനയിലുണ്ടെന്ന് മന്ത്രി പറഞ്ഞു.

വിറ്റുവരവ് 17538 കോടിയാകും

405 പദ്ധതികൾ യാഥാർത്ഥ്യമാകുന്നതോടെ പൊതുമേഖലാ സ്ഥാപനങ്ങളുടെ വാർഷിക വിറ്റുവരവ് നിലവിലെ 3321 കോടിയിൽ നിന്ന് 17538 കോടിയാവും. 5500 പുതിയ തൊഴിലവസരങ്ങളും സൃഷ്ടിക്കപ്പെടും. 9476 കോടി രൂപയാണ് പ്രതീക്ഷിക്കുന്ന മുതൽമുടക്ക്. സ്ഥാപനങ്ങളുടെ കരുതൽ നിക്ഷേപവും ബാങ്ക് വായ്‌പയും സർക്കാർ ധനസഹായവും ഉൾപ്പെടെയാണിത്.

ഇലക്‌ട്രോണിക്‌സ് ഹബ്

കെൽട്രോണിന്റെ ഇലക്‌ട്രോണിക്‌സ് ഹബ് പദ്ധതിയും ആവിഷ്‌കരിക്കും. പവർ ഇലക്‌ട്രോണിക്‌സ്, മെഡിക്കൽ ഇലക്‌ട്രോണിക്‌സ്, ഡിഫൻസ് ഇലക്‌ട്രോണിക്‌സ്, സ്‌പേസ് ഇലക്‌ട്രോണിക്‌സ്, സിറാമിക് ചിപ് കപ്പാസിറ്റർ തുടങ്ങിയ മേഖലകൾ കേന്ദ്രീകരിച്ചാണ് ഹബ് പ്രവർത്തിക്കുക. ഇലക്ട്രിക് വാഹന സോൺ രൂപീകരിക്കുന്നതിന് പ്രത്യേക മാസ്റ്റർ പ്ളാനും ആവിഷ്‌കരിക്കും.

എ​ല്ലാ​വ​ർ​ക്കും​ ​തൊ​ഴിൽ
സ​ർ​ക്കാ​ർ​ ​നി​ല​പാ​ട്:​ ​മ​ന്ത്രി​ ​രാ​ജീ​വ്

തി​രു​വ​ന​ന്ത​പു​രം​:​ ​വി​ക​സ​ന​ ​കാ​ര്യ​ത്തി​ൽ​ ​സ​ർ​ക്കാ​രി​ന് ​രാ​ഷ്ട്രീ​യ​മി​ല്ലെ​ന്നും​ ​എ​ല്ലാ​വ​ർ​ക്കും​ ​തൊ​ഴി​ലു​ണ്ടാ​വ​ണ​മെ​ന്ന​താ​ണ് ​നി​ല​പാ​ടെ​ന്നും​ ​മ​ന്ത്രി​ ​പി.​ ​രാ​ജീ​വ് ​പ​റ​ഞ്ഞു.​ ​വ്യ​വ​സാ​യ​ ​സം​ഘ​ട​ന​ക​ളും​ ​തൊ​ഴി​ലാ​ളി​ ​സം​ഘ​ട​ന​ക​ളും​ ​സ​ർ​ക്കാ​രി​നൊ​പ്പം​ ​നി​ന്നാ​ലേ​ ​സം​രം​ഭ​ങ്ങ​ൾ​ ​കൊ​ണ്ടു​വ​രാ​നാ​കൂ.​ ​വ്യ​വ​സാ​യ​ ​ന​ട​ത്തി​പ്പു​മാ​യി​ ​ബ​ന്ധ​പ്പെ​ട്ട​ ​പ്ര​ശ്ന​‌​ങ്ങ​ൾ​ക്ക് 30​ ​ദി​വ​സ​ത്തി​നു​ള്ളി​ൽ​ ​പ​രി​ഹാ​രം​ ​കാ​ണാ​ൻ​ ​സം​വി​ധാ​നം​ ​ഒ​രു​ക്കി​യി​ട്ടു​ണ്ട്.​ ​കേ​ര​ള​ത്തി​ൽ​ ​വ​ള​രെ​ ​ന​ല്ലൊ​രു​ ​വ്യ​വ​സാ​യ​ ​അ​ന്ത​രീ​ക്ഷ​മാ​ണു​ള്ള​ത്.​ ​നി​ര​വ​ധി​ ​സം​രം​ഭ​ക​ർ​ ​നി​ക്ഷേ​പ​ത്തി​നാ​യി​ ​വ​രു​ന്നു​ണ്ട്.​ ​ക​ക്ഷി​രാ​ഷ്ട്രീ​യ​ത്തി​ന് ​അ​തീ​ത​മാ​യ​ ​പി​ന്തു​ണ​ ​സ​ർ​ക്കാ​രി​ന് ​ല​ഭി​ക്കു​ന്നു​വെ​ന്ന​തി​ന് ​ഉ​ദാ​ഹ​ര​ണ​മാ​ണ് ​ശ​ശി​ ​ത​രൂ​രി​ന്റെ​ ​പ്ര​തി​ക​ര​ണം.