തിരുവനന്തപുരം: കണ്ണൂർ സർവകലാശാലാ വൈസ്ചാൻസലർ പുനർനിയമനക്കേസിൽ ഹൈക്കോടതിയിൽ ഹാജരാകാൻ ഗവർണർ തന്നോട് ആവശ്യപ്പെട്ടിരുന്നതായി അഡ്വക്കേറ്റ് ജനറൽ കെ. ഗോപാലകൃഷ്ണക്കുറുപ്പ് തിരുവനന്തപുരത്ത് മാദ്ധ്യമങ്ങളോട് പറഞ്ഞു. സിംഗിൾ ബഞ്ചിൽ ഗവർണർക്കായി ഹാജരായത് ഗവർണറുടെ നിയമോപദേശകനായിരുന്നു. 14നാണ് ഹാജരാകാൻ നിർദ്ദേശിച്ചുള്ള ഗവർണറുടെ കത്ത് കിട്ടിയത്. കേസിൽ സർക്കാരിനു വേണ്ടിയാണ് താൻ ഹാജരായത്. ഗവർണർക്ക് വേണ്ടി എ.ജി ഹാജരായ കേസുകൾ സാധാരണമല്ല. ഇക്കാര്യം രാജ്ഭവനെ അറിയിച്ചിരുന്നെന്നും എ.ജി പറഞ്ഞു.