SignIn
Kerala Kaumudi Online
Friday, 29 March 2024 7.47 AM IST

സ്കൂൾ തുറന്നശേഷം 101 അദ്ധ്യാപകർക്ക് കൊവിഡ്

teacher

പത്തനംതിട്ട : സ്കൂൾതുറന്നതിന് ശേഷം ഒന്നരമാസത്തിനുള്ളിൽ ജില്ലയിൽ 101 അദ്ധ്യാപകർ കൊവിഡ് പോസിറ്റീവായി​. ഓൺലൈൻ ക്ലാസുകൾ അവസാനിപ്പിച്ച് വിദ്യാർത്ഥികളിൽ ഭൂരിഭാഗവും ഇപ്പോൾ സ്കൂളി​ലെത്തുന്നുണ്ട്. അദ്ധ്യാപകരും അനദ്ധ്യാപകരുമടക്കം 59 പേർ ഒരു ഡോസ് വാക്സിൻ പോലും സ്വീകരിച്ചിരുന്നില്ല. അദ്ധ്യാപകർ വാക്സിനെടുക്കാത്തതിനെ ചൊല്ലിയുള്ള പരാതിക്ക് ശേഷം 13 പേരൊഴികെയുള്ളവർ വാക്സിനെടുത്തു. ഇവർക്ക് ശാരീരിക അസ്വസ്ഥതകൾ ഉള്ളതി​നാൽ ഒഴി​വാകുകയായി​രുന്നു. കൊവിഡ് സ്ഥിരീകരിച്ചവരിൽ ഒരാൾ വാക്സിൻ സ്വീകരിച്ചിട്ടി​ല്ല. ആറായിരത്തിലധികം അദ്ധ്യാപകർ ജില്ലയിലെ സ്കൂളുകളി​ൽ പഠിപ്പിക്കുന്നുണ്ട്.

രോഗലക്ഷണം കണ്ടാൽ അദ്ധ്യാപകർ ഉടൻ പരിശോധന നടത്താറുള്ളതിനാൽ കുട്ടികളിലേക്ക് വ്യാപനം കണ്ടെത്തിയിട്ടില്ല. അപകടകരമായ സാഹചര്യമില്ലെന്നാണ് സ്കൂൾ, ആരോഗ്യ വകുപ്പ് അധികൃതരുടെ വി​ശദീകരണം.

വാക്സിനെടുക്കാത്ത അദ്ധ്യാപകർ ആഴ്ച തോറും സ്വന്തം ചെലവിൽ ആർ.ടി.പി.സി.ആർ പരിശോധന നടത്തണമെന്ന് പൊതുവിദ്യാഭ്യാസ വകുപ്പിന്റെ നിർദേശമുണ്ട്. വാക്സിനെടുത്തവർ കൊവിഡ് പോസിറ്റീവായാലും പകരാനുള്ള സാദ്ധ്യത കുറവാണ്

ആരോഗ്യ വകുപ്പ് അധികൃതർ

ജില്ലയിലെ സ്കൂളുകൾ

സർക്കാർ : 261

എയ്ഡഡ് : 430

അൺഎയ്ഡഡ് : 42

അദ്ധ്യാപകർ: 6500

പത്ത് ദിവസമാണ് അദ്ധ്യാപകർക്ക് കൊവിഡ് ക്വാറന്റൈൻ ഏർപ്പെടുത്തിയിരിക്കുന്നത്.

മറ്റ് ലക്ഷണങ്ങളോ ക്ഷീണമോ ഇല്ലെങ്കിൽ സ്കൂളിലെത്താം.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.