മലപ്പുറം : കെ-റെയിൽ വിഷയത്തിൽ യു.ഡി.എഫിൽ ഭിന്നതയില്ലെന്നും പ്രതിഷേധ പരിപാടികളിൽ നിന്ന് ലീഗ് പിന്നോട്ട് പോവില്ലെന്നും പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി പറഞ്ഞു. കെ-റെയിലിനെതിരായ പ്രതിഷേധം യു.ഡി.എഫ് ഒന്നിച്ചെടുത്ത തീരുമാനമാണ്. ലീഗും കോൺഗ്രസും തമ്മിൽ അഭിപ്രായ വ്യതാസമുണ്ടെന്ന് പ്രചരിപ്പിക്കുന്നവർ പാർട്ടിയുടെ ശത്രുക്കളാണ്. കെ-റെയിലിനെതിരെയുള്ള അടുത്ത ഘട്ട പ്രക്ഷോഭ പരിപാടികളിലേക്ക് യു.ഡി.എഫ് നീങ്ങും.
വഖഫ് വിഷയത്തിൽ ലീഗ് പറഞ്ഞ കാര്യങ്ങൾ ന്യായമാണെന്നാണ് ലീഗിനെ വേർതിരിച്ചുള്ള ആക്രമണത്തിലൂടെ വ്യക്തമാവുന്നത്. എസ്.ഡി.പി.ഐയുടെയും ജമാഅത്തെ ഇസ്ലാമിയുടെയും പിന്തുണ കൂടുതൽ കാലം കിട്ടിയിട്ടുള്ളത് ഇടതുപക്ഷത്തിനാണ്.- അദ്ദേഹം പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |