പറശ്ശിനിക്കടവ്: പറശ്ശിനി മടപ്പുര ട്രസ്റ്റിയും ജനറൽ മാനേജരുമായ പി.എം. വിജയൻ (85) അന്തരിച്ചു. എറണാകുളത്ത് സ്വകാര്യ ആശുപത്രിയിൽ ഇന്നലെ രാവിലെയായിരുന്നു അന്ത്യം. സംസ്കാരം പയ്യാമ്പലത്ത് നടത്തി.

മുൻ ട്രസ്റ്റിയും ജനറൽ മാനേജരുമായിരുന്ന പി.എം. ബാലകൃഷ്ണന്റെ നിര്യാണത്തെ തുടർന്ന് കഴിഞ്ഞ സെപ്തംബർ നാലിനാണ് ചുമതലയേറ്റത്. പട്ടാളത്തിൽ നിന്ന് വിരമിച്ചശേഷം കണ്ണൂർ നഗരസഭയിൽ ക്ലാർക്കായും ജോലി ചെയ്തിട്ടുണ്ട്.

ഭാര്യ: പരേതയായ സരോജിനി. മക്കൾ: ധനൂപ് (ഐ.ടി, എറണാകുളം), ധന്യ (ദുബായ്). സഹോദരങ്ങൾ: പരേതരായ പറശ്ശിനി മടപ്പുര മുൻ ട്രസ്റ്റിയും ജനറൽ മാനേജരുമായിരുന്ന പി.എം. മുകുന്ദൻ, പി.എം. ഗംഗാധരൻ.