കൊച്ചി: എം.ജി റോഡിൽ പുതുതായി സ്ഥാപിച്ച ബവ്‌കോ ഔട്ട്‌ലെറ്റ് പൂട്ടണമെന്ന ആവശ്യം അനുഭാവപൂർവം പരിഗണിക്കാമെന്ന് എക്‌സൈസ് വകുപ്പ് മന്ത്രി എം.വി. ഗോവിന്ദൻ സമരസമിതിക്ക് ഉറപ്പുനൽകി . ഒൗട്ട്ലെറ്റ് അടയ്ക്കണമെന്ന് ആവശ്യപ്പെട്ട് സമരസമിതി നൽകിയ നിവേദനം ഏറ്റുവാങ്ങിയ ശേഷമാണ് മന്ത്രി ഇക്കാര്യം അറിയിച്ചത്. മേയർ എം. അനിൽകുമാറിന്റെയും ടി .ജെ. വിനോദ് എം.എൽ.എയുടെയും സാന്നിദ്ധ്യത്തിലാണ് നിവേദനം നൽകിയത്.
രംഗദാസ് പ്രഭു, കുമ്പളം രവി, ജേക്കബ് ഫിലിപ്പ്, സായി പ്രസാദ് , ഏലൂർ ഗോപിനാഥ്, കെ. എം. രാധാകൃഷ്ണൻ, മുഹമ്മദ് കമ്രാൻ, ദിലീപ് കുമാർ എന്നിവരാണ് നിവേദകസംഘത്തിലുണ്ടായിരുന്നത്.