ഇ ഓഫീസ് സംവിധാനം ഈ വർഷം യാഥാർത്ഥ്യമാക്കും

തിരുവനന്തപുരം : ആരോഗ്യവകുപ്പുമായി ബന്ധപ്പെട്ട ഫയലുകൾ സമയബന്ധിതമായി തീർപ്പാക്കണമെന്ന് മന്ത്രി വീണാജോർജിന്റെ നിർദ്ദേശം. ആരോഗ്യവകുപ്പ് ഡയറക്ടറേറ്റ്, എൻ.എച്ച്.എം, ഇ-ഹെൽത്ത് എന്നീ ഓഫീസുകൾ സന്ദർശിച്ച് ഉദ്യോഗസ്ഥരുമായി നടത്തിയ ചർച്ചയിലാണ് മന്ത്രി നിർദ്ദേശം നൽകിയത്.

ജനങ്ങളുടെ പ്രശ്‌നങ്ങളുമായും ജീവനക്കാരുടെ സർവീസുമായും പ്രൊമോഷനുമായും ബന്ധപ്പെട്ട് ധാരാളം ഫയലുകളെത്തുന്നുണ്ട്. ഓഫീസുകളിലെ വിവിധ സെക്ഷനുകൾ സന്ദർശിച്ചു. ആരോഗ്യ വകുപ്പ് ഡയറക്ടറേറ്റിലും ജില്ലാ മെഡിക്കൽ ഓഫീസുകളിലും ഇ -ഓഫീസ് സംവിധാനം ഈ വർഷം യാഥാർത്ഥ്യമാക്കും. ഇതോടെ പൊതുജനങ്ങൾക്കും ഫയലുകളുടെ നീക്കം മനസിലാക്കാനാവുമെന്നും മന്ത്രി അറിയിച്ചു.