ആലപ്പുഴ: ചെങ്കടലിൽ ഹൂതി വിമതർ തട്ടിയെടുത്ത യു.എ.ഇ കപ്പലിലെ ജീവനക്കാരെ മോചിപ്പിക്കാൻ കേന്ദ്ര സർക്കാർ അടിയന്തിരമായി ഇടപെടണമെന്ന് എ.എം. ആരിഫ് എം.പി ആവശ്യപ്പെട്ടു. കായംകുളം ചേപ്പാട് സ്വദേശിയായ അഖിൽ രഘു ഉൾപ്പടെയുള്ള കപ്പൽ ജീവനക്കാരുമായി കഴിഞ്ഞ രണ്ടിന് ശേഷം കുടുംബങ്ങൾക്ക് ബന്ധപ്പെടാൻ സാധിച്ചിട്ടില്ലെന്നും ജീവനക്കാരുടെ അവസ്ഥ സംബന്ധിച്ച് തൃപ്തികരമായ മറുപടി നൽകാൻ കപ്പൽ ഉടമകൾ തയ്യാറാകുന്നില്ലെന്നും കേന്ദ്ര വിദേശകാര്യമന്ത്രി ഡോ. എസ്. ജയശങ്കറിനും സഹമന്ത്രി വി. മുരളീധരനും അയച്ച കത്തിൽ എം.പി ചുണ്ടിക്കാട്ടി.