ആലപ്പുഴ : ഉറങ്ങിക്കിടന്ന നാലുവയസുകാരിയെ കാണാനില്ലെന്ന വീട്ടുകാരുടെ പരാതിയെ തുടര്ന്ന് നടത്തിയ അന്വേഷണത്തിന് ഒടുവിൽ ശുഭകരമായ അവസാനം. രാവിലെ പത്ത് മണി മുതൽ കുട്ടിയെ കാണാനില്ലെന്നാണ് വീട്ടുകാര് പൊലീസിനെ അറിയിച്ചത്. ഇതോടെ പൊലീസ് അന്വേഷണം ആരംഭിച്ചു. റിവ്യൂ മീറ്റിംഗ് പോലും റദ്ദാക്കി എസ്.പി ജയ്ദേവ് ഉള്പ്പടെയുള്ള സംഘം കുഞ്ഞിന്റെ വീട്ടിലെത്തി. മുഴുവന് എയ്ഡ് പോസ്റ്റുകളിലും നാലു വയസുകാരിയെ തെരഞ്ഞുകൊണ്ടിരുന്നു.
കുട്ടിയെ കാണാതായെന്ന വാട്സാപ് സന്ദേശം വിവിധ ഗ്രൂപ്പുകളിലൂടെ വൈറലായതോടെ നാട്ടുകാരും തിരച്ചിലിനിറങ്ങി. റെയില്വേ സ്റ്റേഷന്, ബസ് സ്റ്റാന്ഡ് തുടങ്ങി എല്ലായിടത്തും അന്വേഷ നടത്തി. ഒടുവിൽ രാവിലെ 11 മണിക്ക് അലമാരയുടെ മറവില് നിന്ന് ഉറക്കം മതിയാക്കി കുട്ടി എഴുന്നേറ്റു വന്നതോടെ. ആശങ്കകൾക്ക് അവസാനമായി. ഉറങ്ങിക്കിടന്ന സ്ഥലം കുഞ്ഞ് കാണിച്ചു കൊടുത്തു.തുടർന്ന് മുഴുവന് വാട്സാപ് ഗ്രൂപ്പുകളിലും കുഞ്ഞിനെ കണ്ടെത്തിയ വിവരം കൈമാറി.
കുഞ്ഞിന്റെ അമ്മയ്ക്കു ജോലിയുള്ളതിനാല് രണ്ടാം മാസം മുതല് കുഞ്ഞിന്റെ ഒരു ബന്ധുവാണു നോക്കി വളര്ത്തുന്നത്. രാവിലെ ഒമ്പതര വരെ കട്ടിലില് കിടന്നുറങ്ങിയ കുട്ടി എപ്പോഴാണ് എഴുന്നേറ്റു പോയി അലമാരയുടെ മറവില് കിടന്നതെന്നു വീട്ടുകാർ അറിഞ്ഞില്ല. .9.40നാണ് ഉറങ്ങിക്കിടന്നിടത്തു കുട്ടിയെ കാണാനില്ലെന്നു തിരിച്ചറിയുന്നത്. വീട്ടുകാരും പരിസരവാസികളും വീടും പരിസരവും മുഴുവന് പരിശോധിച്ചു. എന്നിട്ടും കുട്ടിയെ കണ്ടെത്താനായില്ല.പത്തുമണി വരെ തിരഞ്ഞിട്ടും കാണാതായതോടെ പൊലീസില് അറിയിക്കാന് തീരുമാനിക്കുകയായിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |