Kerala Kaumudi Online
Wednesday, 22 May 2019 10.05 AM IST

തിരുവനന്തപുരവും പത്തനംതിട്ടയും അടക്കം അഞ്ച് സീറ്റുകൾ നേടുമെന്ന് ബി.ജെ.പി നേതൃത്വം: കണക്കുകൾ ഇങ്ങനെ

bjp

തിരുവനന്തപുരം: മുപ്പത് വർഷത്തിനിടെ സംസ്ഥാനത്തുണ്ടായ കനത്ത പോളിംഗ് തങ്ങൾക്ക് അനുകൂലമാകുമെന്ന പ്രതീക്ഷയിൽ കേരളത്തിലെ ബി.ജെ.പി നേതൃത്വം. ശക്തമായ പോരാട്ടം നടന്ന തിരുവനന്തപുരം, പത്തനംതിട്ട എന്നീ മണ്ഡലങ്ങളിൽ അടക്കം അഞ്ച് സീറ്റുകളിൽ ബി.ജെ.പി ജയിക്കുമെന്നാണ് പാർട്ടിയുടെ കണക്കുകൂട്ടൽ. തിരുവനന്തപുരം മണ്ഡലത്തിലെ തീരദേശ മേഖലയിൽ വോട്ട് ശതമാനം കൂടിയത് ബി.ജെ.പിയുടെ ജയസാധ്യതയെ ബാധിക്കില്ലെന്നും പാർട്ടി വൃത്തങ്ങൾ വ്യക്തമാക്കി. ശബരിമല വിഷയം അനുകൂലമാകുമെന്നും സ്ത്രീകൾ വൻ തോതിൽ പോളിംഗ് ബൂത്തിലേക്ക് എത്തിയത് വൻ നേട്ടമാകുമെന്നും ബി.ജെ.പി വിലയിരുത്തുന്നു.

തീരപ്രദേശങ്ങളിലും മലബാർ മേഖലയിലും വോട്ടിംഗ് ശതമാനം കൂടിയത് ന്യൂനപക്ഷ വോട്ടുകളുടെ കേന്ദ്രീകരണമല്ലെന്നും വോട്ടിംഗ് ശതമാനം കൂടിയത് തങ്ങൾക്ക് അനുകൂലമാകുമെന്നുമാണ് ബി.ജെ.പി കേന്ദ്രങ്ങൾ വിലയിരുത്തുന്നത്. വോട്ടിംഗ് ശതമാനം കൂടിയത് ശബരിമല വിഷയത്തിലെ പ്രതിഷേധവും പിണറായി സർക്കാരിനെതിരെയുള്ള വിധിയെഴുത്തുമാണെന്നും ബി.ജെ.പി കേന്ദ്രങ്ങൾ കരുതുന്നു. നല്ല വാർത്തകൾക്കായി കാത്തിരിക്കാമെന്ന് പത്തനംതിട്ടയിലെ എൻ.ഡി.എ സ്ഥാനാർത്ഥി കെ.സുരേന്ദ്രൻ പ്രതികരിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOKSABHA POLL 2019, ELECTION 2019, , LOKSABHA ELECTION, 2019 ELECTION, ELECTION 2019, BJP KERALA, KERALA LOK SABHA ELECTION 2019, K SURENDRAN, KUMMANAM RAJASEKHARAN
KERALA KAUMUDI EPAPER
TRENDING IN LOKSABHA POLL 2019
VIDEOS
PHOTO GALLERY