കീവ് : യുക്രെയ്നിലെ സർക്കാർ വെബ്സൈറ്റുകൾക്ക് നേരെ വ്യാപക സൈബർ ആക്രമണം. യുക്രെയ്ൻ വിദേശകാര്യമന്ത്രാലയം, വിദ്യാഭ്യാസ മന്ത്രാലയം തുടങ്ങിയവയുടെ ഒരു ഡസനിലേറെ വെബ്സൈറ്റുകൾ ഇന്നലെ പ്രവർത്തനരഹിതമായി. സ്വീഡൻ, യു.എസ്, യു.കെ എന്നിവിടങ്ങളിലെ യുക്രെയ്ൻ എംബസികളുടെ വെബ്സൈറ്റുകളും തകരാറിലായി. യുക്രെയ്നിയൻ, റഷ്യൻ, പോളിഷ് ഭാഷകളിൽ ' ഏറ്റവും മോശമായത് നേരിടാൻ തയാറാകൂ " എന്ന സന്ദേശം പ്രത്യക്ഷപ്പെട്ടതിന് പിന്നാലെയാണ് വെബ്സൈറ്റുകൾ നിലച്ചത്. ആക്രമണത്തിന് പിന്നിൽ ആരാണെന്ന് വ്യക്തമല്ല. ആക്രമണങ്ങൾക്ക് പിന്നിൽ റഷ്യയാണെന്നാണ് ആരോപണം. സൈബർ ആക്രമണം തടയാൻ നിരവധി സൈറ്റുകൾ താത്കാലികമായി നിറുത്തിവച്ചിരുന്നു. തകരാറിലായ പല സൈറ്റുകളും പുനഃസ്ഥാപിച്ചതായി അധികൃതർ വ്യക്തമാക്കി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |