SignIn
Kerala Kaumudi Online
Tuesday, 24 May 2022 5.25 PM IST

സിറ്റി ഗ്യാസ്: ഇന്ത്യൻ ഓയിൽ ₹7,000 കോടി നിക്ഷേപിക്കും

ioc

ന്യൂഡൽഹി: സിറ്റി ഗ്യാസ് പദ്ധതിക്കായി രാജ്യത്തെ 15 അതിപ്രധാന മേഖലകളിലെ ഒമ്പതെണ്ണത്തിെ ലൈസൻസും പതിനൊന്നാം റൗണ്ടിൽ സ്വന്തമാക്കിയ ഇന്ത്യൻ ഓയിൽ കോർപ്പറേഷൻ അടിസ്ഥാനസൗകര്യങ്ങൾ ഒരുക്കാനായി 7,​000 കോടി രൂപ നിക്ഷേപിക്കും. 65 മേഖലകളിലേക്കാണ് പെട്രോളിയം ആൻഡ് നാച്ചുറൽ ഗ്യാസ് റെഗുലേറ്ററി ബോർഡ് (പി.എൻ.ജി.ആർ.ബി)​ ടെൻഡർ ക്ഷണിച്ചത്.

53 ബിഡ്ഡുകൾ (താത്പര്യങ്ങൾ)​ സമർപ്പിച്ച് ഇന്ത്യൻ ഓയിൽ ഏറ്റവും വലിയ ബിഡ്ഡറായി. അദാനി ഗ്രൂപ്പ്,​ തിംഗ് ഗ്യാസ്,​ എച്ച്.പി.സി.എൽ എന്നിവയും ബിഡ്ഡിംഗിൽ മുൻനിരയിലുണ്ട്. പതിനൊന്നാം റൗണ്ടിലെ മേഖലകളിൽ 33 ശതമാനത്തിലും സിറ്റി ഗ്യാസ് വിതരണത്തിനുള്ള ടെൻഡറാണ് ഐ.ഒ.സി സ്വന്തമാക്കിയത്. എല്ലാ റൗണ്ടുകളിലുമായി രാജ്യത്തെ 105 ജില്ലകളിലേക്കാണ് ഇതുവരെ ടെൻഡർ ക്ഷണിച്ചത്. രണ്ട് സംയുക്ത സംരംഭങ്ങളിലടക്കം 49 മേഖലകളിൽ ഇപ്പോൾ ഇന്ത്യൻ ഓയിലിന്റെ സാന്നിദ്ധ്യമുണ്ട്.

ഇതിൽ കൊച്ചിയും ഉൾപ്പെടുന്നു. മൊത്തം സിറ്റി ഗ്യാസ് മേഖലയുടെ 28 ശതമാനമാണിത്. 26 മേഖലകളിലാണ് ഇന്ത്യൻ ഓയിലിന് മാത്രം ലൈസൻസുള്ളത്. 68 ജില്ലകളിലായാണിത്. ജമ്മു,​ പഠാൻകോട്ട്,​ ജൽഗാവ്,​ ഗുണ്ടൂർ,​ സികാർ,​ തൂത്തുക്കുടി,​ തിരുനെൽവേലി,​ കന്യാകുമാരി,​ മധുര,​ ഹാൽദിയ,​ ധർമ്മപുരി എന്നീ സ്ഥലങ്ങളിൽ സിറ്റി ഗ്യാസ് വിതരണത്തിനുള്ള ലൈസൻസാണ് 11-ാം റൗണ്ടിൽ ഇന്ത്യൻ ഓയിൽ നേടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, IOC, INDIAN OIL
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.