കൊല്ലം: ജില്ലയിൽ കൊവിഡ് വ്യാപനതോത് തടയാൻ കൂടുതൽ നിയന്ത്റണങ്ങൾ ഏർപ്പെടുത്തി കളക്ടറുടെ ഉത്തരവ്. കൊവിഡുമായി ബന്ധപ്പെട്ട വിവരങ്ങൾ പൊലീസ്, തദ്ദേശസ്വയംഭരണം, റവന്യ വകുപ്പുകൾക്ക് ജില്ലാ മെഡിക്കൽ ഓഫീസർ ലഭ്യമാക്കണം.
എല്ലാ ചടങ്ങുകളും പൊതു പരിപാടികളും ജാഗ്രത പോർട്ടലിൽ രജിസ്റ്റർ ചെയ്യുന്നുവെന്ന് പൊലീസ് മേധാവികളും തദ്ദേശ സ്ഥാപന സെക്രട്ടറിമാരും ഉറപ്പുവരുത്തണം. കൊവിഡ് ക്ലസ്റ്ററുകളിൽ നിയന്ത്റണങ്ങൾ ഏർപ്പെടുത്താൻ ജില്ലാ മെഡിക്കൽ ഓഫീസർക്ക് ചുമതല നൽകിയിട്ടുണ്ട്. നിയന്ത്റണം മറികടക്കുന്നവർക്കെതിരെ നടപടി സ്വീകരിക്കുമെന്നും കളക്ടർ അറിയിച്ചു.
# വീണ്ടും വർക്ക് ഫ്രം ഹോം
സർക്കാർ ഓഫീസുകളിൽ ജോലി ചെയ്യുന്ന ഗർഭിണികൾക്ക് വർക്ക് ഫ്രം ഹോം അനുവദിക്കണം
വിദ്യാഭ്യാസ സ്ഥാപനങ്ങളിൽ ക്ലസ്റ്ററുകൾ രൂപപ്പെട്ടാൽ 15 ദിവസത്തേക്ക് അടച്ചിടണം
സർക്കാരുമായി ബന്ധപ്പെട്ട എല്ലാ സ്ന്താപനങ്ങളിലും യോഗങ്ങളും ചടങ്ങുകളും ഓൺലൈനിൽ മാത്രം
പൊതുപരിപാടികളിൽ പരമാവധി 50 പേർ മാത്രം
ടെസ്റ്റ് പോസിറ്റിവിറ്റി നിരക്ക് 30 ൽ കൂടുതലായാൽ പൊതുപരിപാടികൾ അനുവദിക്കില്ല
ബാറുകളിലും ഭക്ഷണശാലകളിലും ഇരിപ്പിട ക്രമീകരണം 50 ശതമാനം മാത്രം
എല്ലാ കടകളും ഓൺലൈൻ ബുക്കിംഗും വില്പനയും പ്രോത്സാഹിപ്പിക്കണം
മാളുകളിൽ തിരക്ക് അനുവദിക്കില്ല. 25 ചതുരശ്ര അടിയിൽ ഒരാളെന്ന നിലയിൽ ക്രമീകരണം
# പരിശോധന മാനദണ്ഡം
രോഗികൾക്ക് ഏകാന്തവാസം. 60ന് മുകളിൽ പ്രായമുള്ളവർ, മറ്റു രോഗങ്ങളുള്ളവർ എന്നിവർക്ക് അടിയന്തര പരിചരണ ക്രമീകരണം
പ്രസവം ഉൾപ്പടെ അടിയന്തര ശസ്ത്രക്രിയകൾ വൈകിപ്പിക്കരുത്
പരിശോധനാ സൗകര്യത്തിന്റെ അപര്യാപ്തത കാരണമാക്കി ഇത്തരം കേസുകൾ റഫർ ചെയ്യരുത്
ശസ്ത്രക്രിയ ആവശ്യമായവർക്ക് രോഗലക്ഷണമില്ലെങ്കിൽ കൊവിഡ് പരിശോധന നിർബന്ധമല്ല
രോഗികളെ ഒരാഴ്ചയിൽ ഒന്നിലധികം തവണ കൊവിഡ് പരിശോധനയ്ക്ക് വിധേയരാക്കരുത്
രോഗലക്ഷണം പ്രകടമല്ലാത്തവർ, പോസിറ്റിവ് ആയവരുടെ സമ്പർക്ക പട്ടികയിൽ ഉൾപ്പെടാത്തവർ, അന്തർ സംസ്ഥാന യാത്രികർ, ഗൃഹനിരീക്ഷണത്തിന് നിർദ്ദേശിക്കപ്പെട്ടവർ, കൊവിഡ് ഭേദമായി ആശുപത്രിവാസം കഴിഞ്ഞവർ എന്നിവർക്ക് പരിശോധന ആവശ്യമില്ല
ചുമ, പനി, തൊണ്ടവേദന, രുചി/മണം നഷ്ടമായവർ, ശ്വാസതടസം ഉള്ളവർ, പോസിറ്റിവ് ആയവരുമായി സമ്പർക്കമുള്ള ഗുരുതരാവസ്ഥയിലുള്ളവർ, 60ന് മുകളിൽ പ്രായമുള്ളവർ, പ്രമേഹം, രക്താതിമർദ്ദം, കരൾ/വൃക്ക രോഗികൾ, വിദേശത്ത് നിന്ന് എത്തിയവർ, പോകുന്നവർ എന്നിവർക്ക് കൊവിഡ് പരിശോധന നിർബന്ധം
# ആന എഴുന്നള്ളത്തിന് നിയന്ത്രണം
ക്ഷേത്ര മതിൽക്കെട്ടിനുള്ളിൽ പരമാവധി 5 ആനകളെ എഴുന്നള്ളിക്കാം
ഏഴിൽ കൂടുതൽ ആനകളെ എഴുന്നള്ളിക്കാൻ ഒരു മാസം മുമ്പ് നിരീക്ഷണ സമിതിക്ക് അപേക്ഷ നൽകണം
വനം വകുപ്പ്, എലിഫന്റ് സ്ക്വാഡ്, ഫയർ ഫോഴ്സ് എന്നിവയുടെ പരിശോധനയുടെ അടിസ്ഥാനത്തിൽ അനുമതി
രാവിലെ 10ന് ശേഷവും വൈകിട്ട് നാലിനു മുമ്പും ആനകളെ എഴുന്നള്ളിക്കാൻ പാടില്ല
നിർദ്ദേശങ്ങളെല്ലാം അംഗീകരിച്ചുള്ള സത്യവാങ്മൂലം ക്ഷേത്രം കമ്മിറ്റി സെക്രട്ടറി നൽകണം
# അടിയന്തരഘട്ട ഫോൺ നമ്പരുകൾ
കൊവിഡ് കൺട്രോൾ റൂം: 0474 2797609, 8589015556
ആംബുലൻസ് കൺട്രോൾ റൂം: 7594040759, 7592004857
ഓക്സിജൻ വാർ റൂം: 7592003857, 0474 2794007, 2794023, 2794025, 2794027, 2794021
കൊവിഡ് മരണ സ്ഥിരീകരണ വിവരം: 7592006857
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |