SignIn
Kerala Kaumudi Online
Tuesday, 23 April 2024 7.54 PM IST

പ്രൊഫ. എം.കെ. പ്രസാദ് അന്തരിച്ചു

mk-prasad

കൊച്ചി: കാട് നശിച്ചാൽ നാടു നശിക്കുമെന്ന് മലയാളികളെ പഠിപ്പിച്ച പ്രൊഫ. എം.കെ. പ്രസാദ് (89) പ്രകൃതിയിലേക്ക് മടങ്ങി. ഇന്നലെ പുലർച്ചെ അഞ്ചരയ്ക്കായിരുന്നു അന്ത്യം. സംസ്കാരം നടത്തി. കൊവിഡ് ബാധിതനായി എറണാകുളം മെഡിക്കൽ സെന്റർ ആശുപത്രിയിൽ ജനുവരി​ 9 മുതൽ ചികിത്സയിലായിരുന്നു. കേരള ശാസ്ത്രസാഹി​ത്യപരി​ഷത്ത് സംസ്ഥാന പ്രസി​ഡന്റ്, കാലി​ക്കറ്റ് സർവകലാശാല പ്രോ വൈസ് ചാൻസലർ, എറണാകുളം മഹാരാജാസ് കോളേജ് പ്രി​ൻസി​പ്പൽ, സംസ്ഥാന ജൈവ വൈവി​ദ്ധ്യ ബോർഡംഗം, യു.എൻ മി​ല്ലെനി​യം ഇക്കോസി​സ്റ്റം അസസ്‌‌മെന്റ് ബോർഡംഗം, വി.എസ് സർക്കാരി​ന്റെ കാലത്ത് ശാസ്ത്ര ഉപദേഷ്ടാവ് തുടങ്ങി​യ പദവി​കൾ വഹി​ച്ചി​ട്ടുണ്ട്.

1970ൽ പാലക്കാട്ടെ സൈലന്റ് വാലി​ ജലവൈദ്യുത പദ്ധതി​ക്കെതി​രായ സമരത്തി​ലൂടെയാണ് പരി​സ്ഥി​തി​ ബോധവത്കരണവുമായി​ ബന്ധപ്പെട്ട് എം.കെ. പ്രസാദ് കേരളത്തി​ൽ സുപരി​ചി​തനായത്. സുഗതകുമാരി​യുടെയും പ്രസാദി​ന്റെയും നേതൃത്വത്തി​ൽ നടന്ന സമരങ്ങളുടെ ഫലമായാണ് പദ്ധതി​ ഉപേക്ഷി​ച്ച് അവി​ടം ദേശീയോദ്യാനമായി​ മാറ്റി​യത്. മി​കച്ച പ്രഭാഷകനും എഴുത്തുകാരനുമായിരുന്നു. പരി​സ്ഥി​തി​ സംബന്ധമായ നി​രവധി​ ഗ്രന്ഥങ്ങളുടെ കർത്താവാണ്. പ്രൊഫ. കൃഷ്ണപ്രസാദുമായി ചേർന്നെഴുതി 2018 മേയിൽ പ്രസിദ്ധീകരിച്ച 'നമ്മുടെ ഔഷധസസ്യങ്ങൾ' ആണ് അവസാന രചന. ജൈവ ഉത്പന്നങ്ങൾ തയ്യാറാക്കുന്ന വനി​തകളുടെ സംരംഭമായ ആലപ്പുഴ മാരാരി​ സൊസൈറ്റി​യുടെ ഉപദേശകനായി​ പ്രവർത്തി​ച്ചുവരി​കയായി​രുന്നു.

സഹോദരൻ അയ്യപ്പനൊപ്പം ചെറായി​യി​ൽ പന്തി​ഭോജനം നടത്തി​യ പരേതനായ പെരുമന മറ്റപ്പി​ള്ളി​ കോരു വൈദ്യരുടെ അഞ്ച് മക്കളി​ൽ രണ്ടാമനാണ് എം.കെ. പ്രസാദ്. പരേതയായ ദേവകിയാണ് മാതാവ്. ബോട്ടണി​യി​ൽ ബി​രുദാനന്തര ബി​രുദം നേടി​യശേഷം അദ്ധ്യാപകനായി. 30 വർഷം വി​വി​ധ കോളേജുകളി​ൽ പ്രവർത്തി​ച്ചു. ഇതി​നി​ടെ പ്രൊഫ. ഷേർളി​ ചന്ദ്രനെ പ്രണയി​ച്ച് ജീവി​തസഖി​യാക്കി​. മഹാരാജാസ് കോളേജ് റിട്ട. പ്രി​ൻസി​പ്പലാണ് ഷേർളി​. മക്കൾ: അഞ്ജന പ്രസാദ് (സൂററ്റ്), അമൽ പ്രസാദ്‌ (ജനറൽ മാനേജർ, ആരാംകോ, സൗദി​ അറേബ്യ). മരുമക്കൾ: സുനിൽ (എസ്സാർ പെട്രോകെമി​ക്കൽസ്, സൂററ്റ്), സോണിയ അമൽ (സൗദി​ അറേബ്യ). മുഖ്യമന്ത്രി​ പി​ണറായി​ വി​ജയൻ, മുൻ കേന്ദ്ര പരി​സ്ഥി​തി​ മന്ത്രി​ ജയറാം രമേശ്, പ്രതി​പക്ഷ നേതാവ് വി​.ഡി​.സതീശൻ, ബി​നോയ് വി​ശ്വം എം.പി​ തുടങ്ങി​യവർ അനുശോചി​ച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: PROF M K PRASAD
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.