SignIn
Kerala Kaumudi Online
Tuesday, 24 May 2022 8.01 AM IST

'സൂപ്പർ മോം'  ഇനി  കണ്ണീരോർമ്മ;  പെഞ്ചിന്റെ  റാണിയെ  നിറകണ്ണുകളോടെ  യാത്രയയച്ച്  ഗ്രാമവാസികളും  29  കടുവക്കുട്ടികളും 

collarwali

ഭോപ്പാൽ: മദ്ധ്യപ്രദേശിലെ പെഞ്ച് കടുവാ സങ്കേതത്തിലെ അമ്മക്കടുവ 'കോളർവാലി' ഓർമയായി. 'സൂപ്പർ മോം' എന്നറിയപ്പെടുന്ന ഈ കടുവ ശനിയാഴ്ചയാണ് മരണപ്പെട്ടത്. 17വയസായ കടുവയ്ക്ക് പ്രായാധിക്യം മൂലമുള്ള അവശതകൾ ഉണ്ടായിരുന്നു. ഈ പ്രായത്തിനിടെ 29 കുഞ്ഞുങ്ങൾക്കാണ് കോളർവാലി ജന്മം നൽകിയത്.

ശനിയാഴ്ച വൈകുന്നേരം 6.15ഓടെ കർമാഝിരി വനപരിധിയിൽ വച്ചാണ് കോളർവാലി മരണപ്പെട്ടതെന്നാണ് പെഞ്ച് കടുവാ സങ്കേതം അറിയിച്ചത്. ആരോഗ്യനില മോശമായിരുന്ന കോളർവാലിയെ കഴിഞ്ഞ ഒരാഴ്ചയായി ഒരു സംഘം വനംവകുപ്പ് ഉദ്യോഗസ്ഥർ നിരീക്ഷിക്കുന്നുണ്ടായിരുന്നു. പ്രായാധിക്യമാണ് മരണകാരണമെന്നാണ് അധികൃതർ വ്യക്തമാക്കിയത്. 12 വയസുവരെയാണ് കടുവകളുടെ ശരാശരി ആയുസ്.

2008 മാർച്ചിലാണ് കടുവയ്ക്ക് കോളർ നൽകിയത്. 2010ൽ അത് പ്രവർത്തനരഹിതമായതോടെ പുതിയ കോളർ നൽകി. ഇതോടെയാണ് പ്രദേശവാസികൾക്കിടയിൽ കടുവ കോളർവാലി എന്ന പേരിൽ അറിയപ്പെട്ടുതുടങ്ങിയത്.

പെഞ്ച് കടുവാ സങ്കേതം സന്ദർശിക്കാനെത്തുന്നവർക്കെല്ലാം സുപരിചിതയായിരുന്നു കോളർവാലി. മദ്ധ്യപ്രദേശിലെ കടുവകളുടെ എണ്ണം വർദ്ധിക്കുന്നതിൽ പ്രധാന പങ്ക് വഹിച്ചത് കോളർവാലിയായിരുന്നു. 'പെഞ്ച് കടുവാ സങ്കേതത്തിലെ റാണി' എന്നാണ് മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ കോളർവാലിയെ വിശേഷിപ്പിച്ചത്. ലോകത്ത് ഏറ്റവും കൂടുതൽ ചിത്രങ്ങളെടുക്കപ്പെട്ട കടുവയും കോളർവാലിയാണെന്ന് ഐഎഫ്എസ് ഉദ്യോഗസ്ഥനായ പർവീൺ കസ്വാൻ വ്യക്തമാക്കി.

പ്രദേശവാസികൾക്ക് പ്രിയങ്കരിയായ കോളർവാലിയെ ഏറെ ബഹുമതികളോടെയാണ് സംസ്കരിച്ചത്. പൂമാലകൾകൊണ്ട് അലങ്കരിച്ച് ചിതയൊരുക്കിയായിരുന്നു സംസ്കാരം. ഒട്ടേറെ ഗ്രാമവാസികളാണ് തൊഴുകൈകളോടെ പെഞ്ചിന്റെ അമ്മയ്ക്ക് അന്തിമോപചാരമർപ്പിക്കാനെത്തിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, COLLARWALI TIGRESS DEATH, COLLARWALI TIGRESS DEATH IN MADHYAPRADESH, TIGRESS SUPER MOM DEATH, COLLERWALI GAVE BIRTH TO 29KIDS DIED, PENCH TIGRESS COLLARWALI DIED, QUEEN OF PENCH DIED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.