SignIn
Kerala Kaumudi Online
Monday, 23 May 2022 4.07 PM IST

പ്രധാനമന്ത്രി രാഷ്ട്രീയ ബാൽ പുരസ്‌കാര നിറവിൽ ഒമ്പതാംക്ലാസുകാരൻ

malappuram

മലപ്പുറം: കുട്ടികൾക്കായുള്ള രാജ്യത്തെ പ്രധാന പുരസ്‌കാരമായ പ്രധാനമന്ത്രി രാഷ്ട്രീയ ബാൽ പുരസ്‌കാരം പെരിന്തൽമണ്ണ അങ്ങാടിപ്പുറം ശ്രീലക്ഷി നിലയത്തിലെ മാസ്റ്റർ ദേവീപ്രസാദിന്. കേരളത്തിൽ ദേവീപ്രസാദ് മാത്രമാണ് ഇത്തവണ അർഹനായത്. ആർട്ട് ആന്റ് കൾച്ചറൽ വിഭാഗത്തിൽ മികച്ച മൃദംഗവാദ്യ കലാകാരനെന്ന അംഗീകാരത്തോടെയാണ് പുരസ്‌കാര ലബ്ധി. പ്രശസ്തി പത്രവും ഒരുലക്ഷം രൂപയും അടങ്ങുന്നതാണ് പുരസ്‌കാരം. ജില്ലാ കളക്ടർ വി.ആർ.പ്രേംകുമാർ പുരസ്‌കാരം സമ്മാനിച്ചു. കേന്ദ്ര സർക്കാരിന്റെ പി.സി.സി.ആർ.റ്റി സ്‌കോളർഷിപ്പോട് കൂടി മൃദംഗവാദ്യപഠനം തുടരുന്ന ദേവീപ്രസാദ് മൃദംഗവാദ്യ കലാകാരനും തിരുമാന്ധാംകുന്ന് ദേവസ്വം ക്ലർക്കുമായ ദീപേഷിന്റെയും പൂപ്പലം അൽ ഫദക് ഇംഗ്ലീഷ് മീഡിയം സ്‌കൂൾ അദ്ധ്യാപിക പ്രസീതയുടെയും മകനാണ്.

പുത്തനങ്ങാടി സെന്റ് ജോസഫ് ഇംഗ്ലീഷ് മീഡിയം സ്‌കൂളിലെ ഒമ്പതാം ക്ലാസ് വിദ്യാർത്ഥിയാണ്. മൃദംഗവിദ്വാൻ തിരുവനന്തപുരം വി.സുരേന്ദ്രനാണ് ഗുരു. ഏഴാം വയസിൽ കുമാരി ഗായത്രി ശിവപ്രസാദിന്റെ സംഗീത കച്ചേരിയ്ക്ക് ശ്രീ തിരുമാന്ധാംകുന്ന് ക്ഷേത്രത്തിൽ മൃദംഗം വായിച്ചായിരുന്നു അരങ്ങേറ്റം. ഗുരുവായൂർ ചെമ്പൈ സംഗീതോത്സവം, കോഴിക്കോട് ത്യാഗരാജസംഗീത സദസ്, തിരുവനന്തപുരം ഉദിയന്നൂർ ആടിച്ചൊവ്വാ സംഗീത സദസ്, അങ്ങാടിപ്പുറം ഞരളത്ത് സംഗീതോത്സവം,കണ്ണൂർ മൃദംഗശൈലേശ്വരി സംഗീത സദസ് തുടങ്ങിയ വേദികളിലും പങ്കെടുത്തിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: AWARD
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.