തിരുവനന്തപുരം: ഡി വൈ എഫ് ഐ ഗുണ്ടാസംഘങ്ങൾക്ക് താവളമൊരുക്കുന്നുവെന്ന് സി പി ഐ. മുഖപത്രമായ ജനയുഗത്തിലാണ് വിമർശനം. അക്രമം കൊണ്ട് എല്ലാം നിയന്ത്രിക്കാമെന്ന് കരുതരുതെന്നും ഇടതുമുന്നണിയെ ഗുണ്ടകളുടെ താവളമായി മാറ്റരുതെന്നും മുഖപ്രസംഗത്തിൽ പറയുന്നു.

ഡി വൈ എഫ് ഐയുടേത് ഗുണ്ടാരാജെന്നും സി പി ഐ വിമർശിക്കുന്നു. കൊടുമൺ അക്രമത്തിന്റെ പശ്ചാത്തലത്തിലാണ് വിമർശനം. അക്രമം വീഡിയോയിൽ പകർത്തി പ്രചരിപ്പിച്ചത് ക്രിമിനൽ ഗുണ്ടാ സംഘങ്ങളുടെ രീതിയാണ്. ഇത്തരം അക്രമങ്ങൾ എൽ ഡി എഫ് ഒറ്റപ്പെടുത്തണമെന്നും സി പി ഐ ആവശ്യപ്പെടുന്നു.

അക്രമം നൽകിയ പഠങ്ങൾ തിരിച്ചറിഞ്ഞ് സ്വയം തിരുത്തണമെന്നും മുഖപ്രസംഗത്തിൽ പറയുന്നു. ആക്രമണങ്ങളെ അപലിക്കാത്തത് ഗുണ്ടകൾക്ക് പാളയും ഒരുക്കാനാണെന്നും, കൊടുമണ്ണിൽ കണ്ടത് ഫാസിസ്റ്റുകളുടെ രീതിയാണെന്നും ജനയുഗം വിമർശിക്കുന്നു.