SignIn
Kerala Kaumudi Online
Tuesday, 16 July 2019 11.45 AM IST

റോഡിലൂടെ ബസ് ചീറിപ്പായുമ്പോഴും ഡ്രൈവർ ചാറ്റ് ചെയ്യുന്നു,​ കല്ലട ബസിൽ യാത്ര ചെയ്ത ആ രാത്രിയെ കുറിച്ച് യുവാവിന്റെ കുറിപ്പ്,​ വീഡിയോ വൈറൽ

kallada-bus

കല്ലട ബസിലെ ദുരനുഭവങ്ങളെക്കുറിച്ചുള്ള കൂടുതൽ വെളിപ്പെടുത്തലുകളാണ് ദിവസവും പുറത്തവന്നുകൊണ്ടിരിക്കുന്നത്. തങ്ങൾക്കുണ്ടായ ദുരനുഭവങ്ങളെ കുറിച്ച് പലരും സോഷ്യൽ മീഡിയ വഴി വെളിപ്പെടുത്തിയതോടെയാണ് ബസ് ജീവനക്കാരുടെ ഉദാസീനമായ പെരുമാറ്റത്തെക്കുറിച്ചുള്ള കൂടുതൽ തെളിവുകൾ ലഭിക്കുന്നത്. യാത്രക്കാരുടെ ജീവന് ഒരു വിലയും കൽപിക്കാതെയാണ് ഡ്രൈവർ വാഹനമോടിക്കുന്നത് എന്ന് വീഡിയോയിൽ നിന്ന് വ്യക്തമാണ്.


മാർച്ച് 4-ന് പത്തനംതിട്ടയിൽ നിന്ന് ബംഗളൂരുവിനു പോയ ആന്റോ ജോസ് എന്ന യാത്രക്കാരൻ തനിക്കു കല്ലട ബസിൽ നേരിടേണ്ടിവന്ന പ്രശ്‌നം ഫേസ്ബുക്കിൽ കുറിച്ചത് വൈറലായിരിക്കുകയാണ്. മോശം ഡ്രൈവിംഗ് മൂലം രാത്രി ഉറങ്ങാൻ കഴിയാതിരുന്നതിനെ തുടർന്ന് ബസിന്റെ മുൻഭാഗത്തേക്ക് എത്തിയ ആന്റോ കണ്ടത് ഞെട്ടിപ്പിക്കുന്ന കാഴ്ചയാണ്. റോഡിലൂടെ ബസ് ചീറിപ്പായുമ്പോൾ ഡ്രൈവർ ശ്രദ്ധിച്ചത് റോഡിലായിരുന്നില്ല മറിച്ച് തന്റെ മൊബൈൽ ഫോണിലായിരുന്നു.

റോഡിലേക്ക് ഒന്ന് ശ്രദ്ധിക്കുക പോലും ചെയ്യാതെ മൊബൈൽ ഫോണിൽ മാത്രം നോക്കിക്കൊണ്ടാണ് ഡ്രൈവർ ഏറെ ദൂരം ബസ് ഓടിച്ചത്. തുടർന്ന് ആന്റോ ഈ ദൃശ്യം തന്റെ മൊബൈലിൽ പകർത്തി ഫേസ്ബുക്കിൽ പോസ്റ്റ്‌‌‌‌‌‌‌ ചെയ്യുകയായിരുന്നു. യാത്രക്കാർ ഡ്രൈവറെ താക്കീത് ചെയ്‌തെങ്കിലും ഇയാൾ കേട്ടഭാവം നടിച്ചിരുന്നില്ല. അമിതവേഗതയെ തുടർന്ന് ഒരു മുതിർന്ന സ്ത്രീ എഴുന്നേറ്റ് ഡ്രൈവറുടെ ക്യാബിനടുത്തെത്തി സ്പീഡ് കുറയ്ക്കാൻ ആവശ്യപ്പെട്ടെന്നും ആന്റോയുടെ കുറിപ്പിൽ പറയുന്നു. ഈ വിവരം ശ്രദ്ധയിൽ പെട്ടതിനെ തുടർന്ന് അടിയന്തരമായി ഡ്രൈവറെ ഡ്യൂട്ടിയിൽ നിന്ന് മാറ്റിയതായി കല്ലട മാനേജ്‌മെന്റ് പിന്നീട് ആന്റോയെ അറിയിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KALLADA BUS, KALLADA INCIDENT, KALLADA BUS DRIVER CHATTING AT DUTY, DRIVER DOING CHAT AT DUTY TIME VIDEO VIRAL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.