കോഴിക്കോട്: നിർദ്ദിഷ്ട സിൽവർ ലൈൻ പദ്ധതിയുടെ ഭാഗമായി കോഴിക്കോട്ട് ഭൂഗർഭ സ്റ്റേഷനെന്നു നിർണയിച്ചത് നിലവിലുള്ള നിരവധി കെട്ടിടങ്ങൾ പൊളിക്കുന്നത് ഒഴിവാക്കാൻ.

വെസ്റ്റ്ഹിൽ റെയിൽവേ സ്റ്റേഷൻ മുതൽ പന്നിയങ്കര വരെ ആറു കിലോമീറ്റർ ദൈർഘ്യത്തിലാണ് ഭൂഗർഭപാത കടന്നുപോവുക. ഭൂനിരപ്പിൽ നിന്ന് 30 മുതൽ 40 മീറ്റർ താഴ്ചയിലായിരിക്കും പാത നിർമ്മാണം. ജില്ലയിലൂടെ 74.65 കിലോമീറ്റർ ദൂരത്തിലാണ് സിൽവർലൈൻ കടന്നുപോവുക.

പദ്ധതി യാഥാർത്ഥ്യമാവുമ്പോൾ സംസ്ഥാനത്തെ ആദ്യഭൂഗർഭ റെയിൽവേ സ്റ്റേഷനായി കോഴിക്കോട് മാറും. കോഴിക്കോട് റെയിൽവേ സ്റ്റേഷനു അടുത്തുതന്നെയായിരിക്കും ഭൂഗർഭ റെയിൽവേ സ്റ്റേഷനും.

നഗരമധ്യത്തിൽ ആധുനിക സജ്ജീകരണങ്ങളോടെയാണ് ഭൂഗർഭ സ്റ്റേഷൻ സമുച്ചയം തീർക്കുക. വിശാലമായ കാർ പാർക്കിംഗ് സൗകര്യമുണ്ടാവും. ജില്ലയിലെ വിനോദസഞ്ചാര കേന്ദ്രങ്ങളിലേക്ക് ഇ വാഹന കണക്ടിവിറ്റിയും ഒരുക്കും. കാർ പാർക്കിംഗ് യാർഡിനോടു ചേർന്ന് ഇലക്ട്രിക് വാഹനങ്ങൾ ചാർജ് ചെയ്യാനുള്ള സ്റ്റേഷനുമുണ്ടാകും. കോഴിക്കോട് ലൈറ്റ് മെട്രോ യാഥാർത്ഥ്യമായാൽ അതുമായി ബന്ധപ്പെടാനുള്ള സൗകര്യങ്ങളും സ്റ്റേഷനിലൊരുക്കും.

സിൽവർ ലൈൻ നടപ്പാവുമ്പോൾ 2 മണിക്കൂർ 40 മിനുട്ട് കൊണ്ട് കോഴിക്കോട് നിന്ന് തിരുവനന്തപുരത്ത് എത്താനാവും. 19 മിനുട്ടിൽ തിരൂരും 39 മിനുട്ടിൽ കണ്ണൂരിലും എത്താം. കോഴിക്കോട് നിന്ന് നെടുമ്പാശ്ശേരി വിമാനത്താവളത്തിൽ എത്താൻ 65 മിനുട്ടു മതിയാവും. തൃശൂരിലേക്ക് 44 മിനുട്ടും എറണാകുളത്തേക്ക് ഒരു മണിക്കൂർ 16 മിനുട്ടുമായിരിക്കും സഞ്ചാരസമയം.

ജ​ന​സ​മ​ക്ഷം​ ​സി​ൽ​വ​ർ​ ​ലൈ​ൻ:
മു​ഖ്യ​മ​ന്ത്രി​ ​നാ​ളെ​ ​കോ​ഴി​ക്കോ​ട്ട്

കോ​ഴി​ക്കോ​ട്:​ ​സം​സ്ഥാ​ന​ ​സ​ർ​ക്കാ​രും​ ​കെ​ ​റെ​യി​ലും​ ​സം​യു​ക്ത​മാ​യി​ ​സം​ഘ​ടി​പ്പി​ക്കു​ന്ന​ ​സി​ൽ​വ​ർ​ ​ലൈ​ൻ​ ​വി​ശ​ദീ​ക​ര​ണ​ ​യോ​ഗം​ ​ജ​ന​സ​മ​ക്ഷം​ ​സി​ൽ​വ​ർ​ ​ലൈ​ൻ​ ​നാ​ളെ​ ​ഉ​ച്ച​ക​ഴി​ഞ്ഞ് 3.30​ന് ​കോ​ഴി​ക്കോ​ട് ​സ​മു​ദ്ര​ ​ഹാ​ളി​ൽ​ ​ന​ട​ക്കും.​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​ഉ​ദ്ഘാ​ട​നം​ ​ചെ​യ്യും.​ ​പൊ​തു​മ​ര​മാ​ത്ത് ​മ​ന്ത്രി​ ​പി.​എ.​മു​ഹ​മ്മ​ദ് ​റി​യാ​സ് ​അ​ദ്ധ്യ​ക്ഷ​ത​ ​വ​ഹി​ക്കും.​ ​വ​നം​മ​ന്ത്രി​ ​എ.​കെ.​ശ​ശീ​ന്ദ്ര​ൻ,​ ​തു​റ​മു​ഖ​ ​മ​ന്ത്രി​ ​അ​ഹ​മ്മ​ദ് ​ദേ​വ​ർ​കോ​വി​ൽ​ ​എ​ന്നി​വ​ർ​ ​പ​ങ്കെ​ടു​ക്കും.​ ​കെ​ ​റെ​യി​ൽ​ ​മാ​നേ​ജിം​ഗ് ​ഡ​യ​റ​ക്ട​ർ​ ​വി.​അ​ജി​ത് ​കു​മാ​ർ​ ​പ​ദ്ധ​തി​ ​അ​വ​ത​രി​പ്പി​ക്കും.​ ​