ചേർത്തല:കഞ്ഞിക്കുഴി ഗ്രാമ പഞ്ചായത്ത് അടുക്കളത്തോട്ടത്തിനായി നൽകിയ പച്ചക്കറിത്തൈകൾ പരിപാലിച്ചപ്പോൾ ലഭിച്ചത് നൂറുമേനി വിളവ്. കഞ്ഞിക്കുഴി പഞ്ചായത്ത് പതിനേഴാം വാർഡിൽ അങ്കണവാടി ടീച്ചറായ വിജയലക്ഷ്മിയും ഭർത്താവ് അജയകുമാറും ചേർന്ന് നടത്തിയ പച്ചക്കറി കൃഷിയിലാണ് കൈനിറയെ വിളവു ലഭിച്ചത്. വിളവെടുപ്പ് കെ.കെ. കുമാരൻ പാലിയേറ്റീവ് ചെയർമാൻ എസ്.രാധാകൃഷ്ണൻ നിർവഹിച്ചു. ഗ്രാമപഞ്ചായത്ത് വൈസ് പ്രസിഡന്റ് എം.സന്തോഷ് കുമാർ,പഞ്ചായത്തംഗം സി.കെ. പുഷ്പാംഗദൻ , ആർ.രഞ്ജിത്ത്, സിജി സജീവ്,സന്തോഷ് എന്നിവർ പങ്കെടുത്തു.പീച്ചിൽ, ചീര, പടവലം പയർ എന്നിവയാണ് സമൃദ്ധമായി വിളഞ്ഞത്. പരീക്ഷണത്തിനായി നട്ട കപ്പലണ്ടിയും വിളവെടുപ്പിന് തയ്യാറായി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |