SignIn
Kerala Kaumudi Online
Friday, 29 March 2024 11.55 AM IST

സ്‌റ്റാമ്പ് ഡ്യൂട്ടി, രജിസ്‌ട്രേഷൻ ഫീസ്: ഒരുലക്ഷം കോടി രൂപ കടന്ന് സംസ്ഥാനങ്ങളുടെ വരുമാനം

home

ന്യൂഡൽഹി: സംസ്ഥാനങ്ങളുടെ സംയുക്ത സ്‌റ്റാമ്പ് ഡ്യൂട്ടി, രജിസ്‌ട്രേഷൻ വരുമാനം നടപ്പു സാമ്പത്തികവർഷത്തെ (2021-22) ഏപ്രിൽ-നവംബറിൽ തന്നെ ഒരുലക്ഷം കോടി രൂപ കടന്നു. 28 സംസ്ഥാനങ്ങൾ ചേർന്ന് ഇക്കാലയളവിൽ 1,00,100 കോടി രൂപയാണ് സമാഹരിച്ചതെന്നും 2020-21ലെ മൊത്തം വരുമാനം 1.27 ലക്ഷം കോടി രൂപയായിരുന്നുവെന്നും ബ്രോക്കറേജ് സ്ഥാപനമായ മോത്തിലാൽ ഓസ്വാൾ ഫിനാൻഷ്യൽ സർവീസസിന്റെ റിപ്പോർട്ട് വ്യക്തമാക്കി.

ഈവർഷം ഏപ്രിൽ-നവംബറിൽ ശരാശരി പ്രതിമാസ വരുമാനം 12,500 കോടി രൂപയാണ്. കഴിഞ്ഞവർഷം 10,600 കോടി രൂപയായിരുന്നു. ഇത്തവണത്തെ ട്രെൻഡ് വിലയിരുത്തിയാൽ, മൊത്തവരുമാനം 2020-21നേക്കാൾ ഏറെ കൂടുതലായിരിക്കും. അതേസമയം, 2019-20ൽ ശരാശരി പ്രതിമാസ വരുമാനം 12,800 കോടി രൂപയായിരുന്നു.

ഈവർഷം ഏപ്രിൽ-നവംബറിൽ 17,097 കോടി രൂപ സമാഹരിച്ച് (മൊത്തം വരുമാനത്തിന്റെ 17.1 ശതമാനം) മഹാരാഷ്‌ട്രയാണ് ഒന്നാമത്. ഉത്തർപ്രദേശ് (12,800 കോടി രൂപ), തമിഴ്നാട് (8,700 കോടി രൂപ), കർണാടക (8,400 കോടി രൂപ) എന്നിവയാണ് യഥാക്രമം രണ്ടുമുതൽ നാലുവരെ സ്ഥാനങ്ങളിൽ.

കേരളത്തിന്റെ

കീശയിൽ

₹3,489.6 കോടി

കഴിഞ്ഞ സാമ്പത്തികവർഷം (2020-21) 3,489.6 കോടി രൂപയാണ് സ്‌റ്റാമ്പ് ഡ്യൂട്ടി, രജിസ്‌ട്രേഷൻ ഫീസിനത്തിൽ കേരളം സമാഹരിച്ചതെന്ന് റിപ്പോർട്ടിലുണ്ട്. സംസ്ഥാനങ്ങളുടെ മൊത്തം സമാഹരണത്തിന്റെ 2.7 ശതമാനമാണിത്. ഏറ്റവുമധികം വരുമാനം നേടിയ സംസ്ഥാനങ്ങൾ : (തുക കോടിയിൽ)

 മഹാരാഷ്‌ട്ര : ₹25,427

 ഉത്തർപ്രദേശ് : ₹16,475

 തമിഴ്നാട് : ₹11,675

 കർണാടക : ₹10,576

 ഗുജറാത്ത് : ₹7,390

''റിയൽ എസ്‌റ്റേറ്റ് മേഖല 2020-21ന്റെ രണ്ടാംപകുതിയോടെ ഉണർവിലേക്ക് തിരിച്ചെത്തിയത് സംസ്ഥാനങ്ങൾക്ക് നേട്ടമായി. 2021-22ലും ഇത് തുടരുകയാണ് ""

നിഖിൽ ഗുപ്‌ത,

ചീഫ് ഇക്കണോമിസ്‌റ്റ്,

എം.ഒ.എഫ്.എസ്

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: BUSINESS, PETROL PUMPS
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.