അടൂർ : മാതാപിതാക്കളുടെയും മുതിർന്ന പൗരൻമാരുടെയും ക്ഷേമവും സംരക്ഷണവും സംബന്ധിച്ച നിയമപ്രകാരം അടൂർ ആർ.ഡി.ഒ മെയിന്റെനൻസ് ട്രൈബ്യൂണൽ മുമ്പാകെ സമർപ്പിക്കപ്പെട്ട ഹർജികളിൽ ആർ.ഡി.ഒ ഓഫീസിൽ അദാലത്ത് സംഘടിപ്പിച്ചു. നഗരസഭാ ചെയർമാൻ ഡി.സജി ഉദ്ഘാടനം ചെയ്തു. ജില്ലാ സാമൂഹ്യനീതി ഓഫീസർ ഏലിയാസ് തോമസ്, ആർ.ഡി.ഒ തുളസീധരൻപിള്ള , തഹസിൽദാർ ജോൺ സാം, സൂപ്രണ്ട് കെ.സുരേഷ് എന്നിവർ പ്രസംഗിച്ചു. പരിഗണിക്കപ്പെട്ട 100 കേസുകളിൽ 35 എണ്ണത്തിൽ തീർപ്പു കല്പിച്ചു. തുടർന്നും ഇത്തരത്തിലുള്ള അദാലത്തുകൾ സംഘടിപ്പിച്ച് പരാതികൾ തീർപ്പുകല്പിക്കുന്നതാണെന്ന് ആർ.ഡി.ഒ അറിയിച്ചു.