കൊച്ചി: കൊച്ചി സർവകലാശാലയിലെ അഫ്ഗാനിസ്ഥാൻ വിദ്യാർത്ഥികൾക്ക് ഓൺലൈനിൽ പഠനം തുടരാം. വിസ പുതുക്കാൻ കഴിയാതെ അഫ്ഗാനിസ്ഥാനിൽ നിന്ന് മടങ്ങാൻ കഴിയാത്ത 5 പേർക്കാണ് അനുമതി.
കൊവിഡ് വ്യാപനം കുറഞ്ഞതിനാൽ ഓൺലൈൻ ക്ളാസുകൾ സർവകലാശാല അവസാനിപ്പിച്ചിരുന്നു. നേരിട്ടുള്ള ക്ളാസുകളും ആരംഭിച്ചു. കൊവിഡിൽ നാട്ടിലേക്ക് മടങ്ങിയ അഫ്ഗാൻ സ്വദേശികളായ ബി.ടെക്, എം.ബി.എ വിദ്യാർത്ഥികൾക്ക് ഇ-വിസ പുതുക്കുന്നതിൽ തടസങ്ങൾ വന്നതിനാൽ സർവകലാശാലയിലേക്ക് എത്താൻ കഴിഞ്ഞില്ല. തുടർന്നാണ് ഇവർക്ക് ഓൺലൈൻ ക്ളാസ് തുടരാൻ വൈസ് ചാൻലസലർ അനുമതി നൽകിയത്. പഠനദിനങ്ങൾ ഓൺലൈനിൽ തുടരുകയും റെക്കാഡുകൾ ഓൺലൈനിൽ സമർപ്പിക്കുകയും ചെയ്യണമെന്നാണ് നിർദ്ദേശം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |