ന്യൂഡൽഹി: ബിരുദ കോഴ്സുകളിലെ പ്രവേശനത്തിന് കേന്ദ്ര സർവകലാശാലകളിൽ ഇക്കൊല്ലം നടപ്പാക്കുന്ന പൊതുപ്രവേശന പരീക്ഷയ്‌‌ക്ക്(കോമൺ യൂണിവേഴ്‌സിറ്റി എൻട്രൻസ് ടെസ്റ്റ്-സി.യു.ഇ.ടി) ഏപ്രിൽ രണ്ടു മുതൽ 30വരെ അപേക്ഷിക്കാം.

ദേശീയ ടെസ്റ്റിംഗ് ഏജൻസി നടത്തുന്ന പരീക്ഷയിലെ ഒന്ന് എ വിഭാഗത്തിൽ മലയാളം അടക്കം 13 ഭാഷകളിൽ ഉത്തരമെഴുതാമെന്ന് യു.ജി.സി നേരത്തെ അറിയിച്ചിരുന്നു (50 ചോദ്യം 45മിനിട്ട്). ഒന്ന് എ വിഭാഗത്തിൽ ഉൾപ്പെടുത്താത്ത ഭാഷകളിൽ എഴുതാനുള്ള ഒന്ന് ബി വിഭാഗം, പ്രത്യേകം തിരഞ്ഞെടുക്കുന്ന 27 വിഷയങ്ങൾക്കായുള്ള വിഭാഗം(50 ചോദ്യം 45 മിനിട്ട്, 12-ാം ക്ളാസ് എൻ.സി.ഇ.ആർ.ടി സിലബസ് ), മൾട്ടിപ്പിൾ ചോയ്സ് മാതൃകയിലുള്ള പൊതുപരീക്ഷ(75 ചോദ്യങ്ങൾ, 60 മിനിട്ട്, സിലബസ്: പൊതുവിജ്ഞാനം, ജനറൽ മെന്റൽ എബിലിറ്റി, ന്യൂമറിക്കൽ എബിലിറ്റി, റീസണിംഗ്, അനലിറ്റക്കൽ റീസണിംഗ്) എന്നിങ്ങനെ തിരിച്ചാണ് പരീക്ഷ. കൂടുതൽ വിവരങ്ങൾക്ക്: https://cuet.samarth.ac.in/