മുംബയ് : 2013ൽ മുംബയ് ഇന്ത്യൻസിലായിരുന്ന സനമയത്ത് മദ്യപിച്ച് ലക്കുകെട്ട സഹതാരം തന്നെ 15-ാം നിലയിലെ മുറിയുടെ ബാൽക്കണിയിൽ നിന്ന് തന്നെ പുറത്തേക്ക് തൂക്കിയിട്ടെന്നും അയാളെ മുറുക്കെ ചുറ്റിപ്പിടിച്ചിരുന്നതിനാലാണ് അപകടമൊന്നും സംഭവിക്കാതിരുന്നതെന്നും നിലവൽ രാജസ്ഥാൻ റോയൽസിന്റെ താരമായി യൂ‌സ്‌വേന്ദ്ര ചഹൽ. രാജസ്ഥാൻ റോയൽസിലെ സഹതാരങ്ങളായ ആർ.അശ്വിനും കരുൺ നായ‌ർക്കുമൊപ്പം നടത്തിയ ചെറിയ ചർച്ചയിലാണ് ചഹലിന്റെ ഈ വെളിപ്പെടുത്തിൽ. എന്നാൽ ആ താരം ആരാണെന്ന് ചഹൽ വെളിപ്പെടുത്തിയില്ല. ബെംഗളൂരുവിൽ നടന്ന മത്സരത്തിന് ശേഷം സംഘടിപ്പിച്ച പാർട്ടി കഴിഞ്ഞായിരുന്നു ഈ സംഭവമെന്നും ചഹൽ വ്യക്തമാക്കി. മദ്യപിച്ച് ലക്കുകെട്ട ആ താരം എന്നെ വിളിച്ചു കൊണ്ടു പോയി ബാൽക്കണയിൽ നിന്ന് പുറത്തേക്ക് തൂക്കിയിട്ടു. ഞാൻ അയാളെ മുറുകെ അള്ളിപ്പിടിച്ചു. 15-ാം നിലയിലായിരുന്നു ഞങ്ങൾ ഉണ്ടായിരുന്നത്. ഉടൻ അടുത്തുണ്ടായിരുന്നവർ വന്ന് സാഹചര്യം നിയന്ത്രിച്ചു. എനിക്ക് കുടിക്കാൻ വെള്ളം തന്നു. ചെറിയ പിഴവ് സംഭവിച്ചിരുന്നേൽ പോലും വലിയ അപകടമുണ്ടായേനെ ചഹൽ പറഞ്ഞു.