കൊച്ചി: എറണാകുളം - ആലപ്പുഴ ട്രെയിൻ പുനരാരംഭിക്കണമെന്ന് ആവശ്യപ്പെട്ട് ഫ്രണ്ട്‌സ് ഓൺ റെയിൽസ് സംഘടിപ്പിച്ച പ്രതിഷേധസംഗമം സൗത്ത് സ്റ്റേഷനിൽ ഹൈബി ഈഡൻ എം. പി ഉദ്ഘാടനം ചെയ്തു. ഇന്ത്യൻ റെയിൽവേ കേരളത്തോട് കാട്ടുന്ന അവഗണനയുടെ തുടർച്ചയാണിതെന്നും പാർലമെന്റിന് അകത്തും പുറത്തും ഇതിനെതിരെ പ്രതികരിക്കുമെന്നും അദ്ദേഹം പറഞ്ഞു. പ്രതിഷേധത്തിന്റെ ഭാഗമായി തിരുവനന്തപുരം മുതൽ ഷൊർണ്ണൂർ വരെയുള്ള സ്റ്റേഷനുകളിൽ പരാതി ബുക്കിൽ സംഘടന പ്രതിനിധികൾ ഒപ്പിട്ടു. യാത്രക്കാരുടെ ആവശ്യങ്ങൾ അംഗീകരിക്കുന്നത് വരെ സമരപരിപാടികളുമായി മുന്നോട്ടു നീങ്ങുമെന്ന് ഫ്രണ്ട്‌സ് ഓൺ റെയിൽസ് സെക്രട്ടറി ലിയോൺസ് ജെ. പറഞ്ഞു.