പെരിന്തൽമണ്ണ: മങ്കട പഞ്ചായത്ത് പത്താം വാർഡിൽ പഞ്ചായത്തിന്റെ ഉടമസ്ഥതയിലുള്ള കളിസ്ഥലം കൈയ്യേറി അനധികൃതമായി ചെങ്കൽ ഖനനം നടത്തുന്നതായി മൂന്നാം വാർഡ് അംഗം പി. ജംഷീർ ഗ്രാമപഞ്ചായത്ത് സെക്രട്ടറിക്ക് പരാതി നൽകി. കളിസ്ഥലത്ത് അന്യായമായി പ്രവേശിച്ച് ചെങ്കൽ ഖനനം നടത്തുകയും വസ്തുവകകൾക്ക് കേട് പാടുകൾ വരുത്തുകയും ചെയ്തവർക്കെതിരെ അടിയന്തര നടപടി സ്വീകരിക്കണമെന്നും പരാതിയിൽ പറയുന്നു. പരാതിയുടെ അടിസ്ഥാനത്തിൽ നടപടി ആവശ്യപ്പെട്ട് പഞ്ചായത്ത് സെക്രട്ടറി മങ്കട പൊലീസിൽ നിവേദനം നൽകിയിരിക്കുകയാണ്.