Kerala Kaumudi Online
Friday, 24 May 2019 5.05 AM IST

കേരളാ കോൺഗ്രസിന് തിരിച്ചടി,​ മാണി അനുസ്മരണ ചടങ്ങിൽ ചെയർമാനെ തിരഞ്ഞെടുക്കരുതെന്ന് കോടതി

pj-joseph

തിരുവനന്തപുരം: അന്തരിച്ച കേരളാ കോൺഗ്രസ് നേതാവായ കെ. എം മാണിയുടെ അനുസ്മരണ ചടങ്ങിൽ പാർട്ടി ചെയർമാനെ തിരഞ്ഞെടുക്കരുതെന്ന് കോടതി. തിരുവനന്തപുരം ജില്ലാ കോടതിയുടേതാണ് ഉത്തരവ്. കേരള കോൺഗ്രസ് കൊല്ലം ജില്ലാ ജനറൽ സെക്രട്ടറി നൽകിയ ഹർജിയിലാണ് കോടതിയുടെ ഉത്തരവിട്ടത്. ചെയർമാൻ സ്ഥാനാർത്ഥിക്ക് വേണ്ടിയുള്ള തർക്കങ്ങൾ നിലനിൽക്കുന്ന സാഹചര്യത്തിലാണ് കോടതിയുടെ നിർദേശം.

ചെയർമാൻ സ്ഥാനത്തേക്ക് കെ.എം മാണിയുടെ മകനും വെെസ് പ്രസിഡന്റുമായ ജോസ് കെ. മാണിയെ തിരഞ്ഞെടുക്കാനാണ് മാണി വിഭാഗത്തിന്റെ ശ്രമം. എന്നാൽ ചെയർമാൻ സ്ഥാനം തനിക്ക് വേണമെന്നാണ് വർക്കിംഗ് ചെയർമാനായ പി.ജെ.ജോസഫിന്റെ നിലപാട്. പുതിയ ചെയർമാനെ തിരഞ്ഞെടുക്കുന്നത് വരെ പി.ജെ ജോസഫ് ആണ് കേരള കോൺഗ്രസിന്റെ താൽക്കാലിക ചെയർമാൻ.

സി.എഫ് തോമസിനെ പാർലമെന്ററി പാർട്ടി നേതാവാക്കണമെന്നും മാണി വിഭാഗം നേതാക്കൾ പാർട്ടിയിൽ ആവശ്യപ്പെട്ടു. തിരുവനന്തപുരത്ത് നടക്കുന്ന മാണി അനുസ്മരണ ചടങ്ങിൽ ജോസ് കെ. മാണിയും പി.ജെ ജോസഫും പങ്കെടുക്കുന്നുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MM MANI, JOSE K MANI, PJ JOSEPH, KERALA CONGRESS M
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA