ഒന്നാം സെമസ്റ്റർ എം.എ/എം.എസ്സി/എംകോം/എം.എസ്. ഡബ്ല്യു, ആഗസ്റ്റ് 2021 ൽ നടത്തിയ സ്പെഷ്യൽ പരീക്ഷകളിൽ എം.എ ഇംഗ്ലീഷ്, ഇക്കണോമിക്സ്, എം.എസ്സി സൈക്കോളജി, മൈക്രോബയോളജി എന്നീ കോഴ്സുകളുടെയും ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് മേയ് 2 വരെ അപേക്ഷിക്കാം.
പത്താം സെമസ്റ്റർ ഇന്റഗ്രേറ്റഡ് (പഞ്ചവത്സരം) ബി.എ/ബികോം/ബി.ബി.എ, എൽ എൽ.ബി പരീക്ഷകളുടെ പേപ്പർ I – 'ട്രേഡ് ഇൻ ഇൻഡലക്ച്വൽ പ്രോപ്പർട്ടി" പരീക്ഷ ഏപ്രിൽ 30 ലേക്ക് മാറ്റി. മറ്റ് പരീക്ഷകൾക്ക് മാറ്റമില്ല.
വിദൂരവിദ്യാഭ്യാസ വിഭാഗത്തിന്റെ ഒന്നാം സെമസ്റ്റർ പി.ജി. (2021 അഡ്മിഷൻ) സമ്പർക്ക ക്ലാസുകൾ ഏപ്രിൽ 23 മുതൽ ആരംഭിക്കും. വിവരങ്ങൾക്ക് www.ideku.net.
ഇന്റർ യൂണിവേഴ്സിറ്റി സെന്റർ ഫോർ ജിയോ-സ്പെഷ്യൽ ഇൻഫർമേഷൻ സയൻസ് ആൻഡ് ടെക്നോളജിയിലും ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാച്ചുറൽ റിസോഴ്സസ് മാനേജ്മെന്റിലും താത്കാലികാടിസ്ഥാനത്തിൽ ചില പ്രോജക്ടുകളിലെ ഒഴിവുകളിലേക്ക് 26 ന് നടത്താനിരുന്ന വാക്-ഇൻ-ഇന്റർവ്യൂ റദ്ദാക്കി.
ഐ.എം.കെയിൽ എം.ബി.എ പ്രവേശനം
തിരുവനന്തപുരം: കേരള സർവകലാശാലാ കാര്യവട്ടം കാമ്പസിലെ ഇൻസ്റ്റിറ്റ്യൂട്ട് ഒഫ് മാനേജ്മെന്റ് ഇൻ കേരളയിൽ (ഐ.എം.കെ.) എം.ബി.എ. (ജനറൽ), എം.ബി.എ. (ടൂറിസം) കോഴ്സുകളിലേക്ക് www.admissions.keralauniversity.ac.in വെബ്സൈറ്റിൽ മേയ് 20ന് രാത്രി പത്തുവരെ അപേക്ഷിക്കാം. 2022ലെ സാധുവായ KMAT/CAT/CMAT സ്കോർ വേണം. ഗ്രൂപ്പ് ഡിസ്ക്കഷൻ, പേഴ്സണൽ ഇന്റർവ്യൂ പ്രകാരമുള്ള റാങ്ക് ലിസ്റ്റ് മേയ് 27ന് പ്രസിദ്ധീകരിക്കും. സായാഹ്ന എം.ബി.എ. കോഴ്സിന് ജൂലായ് 30വരെ അപേക്ഷിക്കാം. രജിസ്ട്രേഷൻ ഫീസ് ജനറൽ വിഭാഗത്തിന് 600 രൂപ, എസ്.സി./എസ്.ടി. വിഭാഗത്തിന് 300 രൂപ. പ്രോസ്പെക്ടസ്, അപേക്ഷാഫോം എന്നിവ സർവകലാശാലാ പോർട്ടലിൽ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |